دژی هێرشەکانی دەوڵەتی تورک و چەتەکانی سوپای نەتەوەیی سوریا (SNA) بۆ سەر باکوور و ڕۆژهەڵاتی سوریا، چالاکی ئێشکگری لە ناوچەی نسێبینی مێردین لەسەر سنووری قامیشلۆ، ٢٦ ڕۆژە بەردەوامە.

دانیشتووانی هەرێمەکە لە بەیانییەوە لە شوێنی چالاکییەکە کۆبوونەوە، درووشمی "بژی بەرخۆدانی ڕۆژئاوا" و "ژن ژیان ئازادی"یان بەرزکردەوە و هەڵپەڕکێیان کرد، پەرلەمانتاری دەم پارتی ساڵیحە ئایدەنیز و زۆر کەس بەشداربوون.

وێنەی ڕۆژنامەنووسان جیهان بیلگین و نازم داشتان کە لە باکوور و ڕۆژهەڵاتی سوریا لە هێرشی فڕۆکەی بێ فڕۆکەوانی تورک شەهیدبوون، هەڵگیرا.

ساڵیحە ئایدەنیز ڕایگەیاند ڕۆژنامەنووسەکان بە ئەنقەست کراونەتە ئامانج، لەبەرئەوەی ڕاستیان دەگواستەوە، گوتی: "شەهیدکردنیان تاوانێکی نێونەتەوەییە و ناتوانن ئەم تاوانە بشارنەوە. ئێوە لە ڕاستی دەترسن. بەڵام ڕاستی لە تاریکی نامێنێتەوە. پێویستە دەستبەجێ تەرمەکانیان ڕادەستی بنەماڵەکانیان بکرێت".

ساڵیحە جەختی کردەوە سیستەمی ڕۆژئاوا نموونەی چارەسەر لە جیهاندا، گوتی: "چارەسەر لە فیکری بەڕێز ئۆجالاندایە، لە ژیانێکی ئاشتییانە و یەکساندایە. تا ستاتۆی ڕۆژئاوا قبووڵ نەکرێت و مافی کوردان نەدرێت، ئێشکگری بەردەوامە. تێکۆشانمان تا بەدەستهێنانی ئەنجامێک بەردەوام دەبێت".