بەگوێرەی وتەبێژی کۆمیتەی نووسینەوە، لە ڕەشنووسەکەدا دەسەڵاتەکان جیاکراونەتەوە، ئازادی ڕادەربڕین و مافی "سیاسی و ئابووری" ژنان مسۆگەرکراوە. هێشتا نازانرێت لە پراکتیکدا ئەمە چۆن جێبەجێ دەکرێت.

لە ڕەشنووسەکەدا ناوی سوریا وەک "کۆماری عەرەبی سوریا" ماوەتەوە و ئایینی ئیسلام وەک سەرچاوەی سەرەکی یاسادانان قبووڵکراوە.

خاڵەکانی نێو دەستوورەکە بەم جۆرەیە:

١. ناوی فەرمی

- ناوی فەرمی سوریا بە 'کۆماری عەرەبی سوریا' دەمێنێتەوە، هیچ گۆڕانکارییەک لەم ناوەدا ناکرێت.

٢. ئایین و یاسا                                           

- ئایینی ئیسلامی وەک سەرچاوەی سەرەکی یاسادانان لە سوریا قبوڵ دەکرێت.

٣. مافی هاووڵاتیان

- هیچ جیاوازییەک لە نێوان هاوڵاتیانی سوریادا ناکرێت؛ پێویستە هەمووان ماف و بەرپرسیارێتی یەکسانیان هەبێت.

٤. دابەشکردنی ئەرکەکان

- 'ئەرکی یاسادانان' هی پەرلەمان دەبێت.

- 'ئەرکی جێبەجێکردن' هی سەرۆککۆمار دەبێت.

5. ئەرکەکانی سەرۆککۆمار

- سەرۆککۆمار دەتوانێت بەپێی پێویست باری لەناکاو ڕابگەیەنێت.

- وەزیرەکان دەتوانن ڕاستەوخۆ بگەنەلای سەرۆککۆمار.

٦. سەربەخۆیی دەسەڵاتی دادوەری

- دەسەڵاتی دادوەری سەربەخۆ دەبێت و هیچ دەسەڵاتێک ناتوانێت دەستوەردان لە دەسەڵاتی دادوەریدا بکات.

٧. ئەرکەکانی پەرلەمان

- پەرلەمان دەتوانێت سەرۆککۆمار لە پۆستەکەی دووربخاتەوە.

- دەتوانێت لێبوردنی گشتی ڕابگەیەنێت.

٨. قۆناغی ڕاگوزەر

- قۆناغی ڕاگوزەر'٥ ساڵ' دەخایەنێت.

- لەم کاتەدا کۆمیسیۆنێکی تایبەت بۆ داڕشتنی دەستوورێکی نوێ دادەمەزرێت.

٩. ئازادی و یاسای نێودەوڵەتی

- ئازادی بیرکردنەوە و ڕادەربڕین پارێزراو دەبێت.

- سوریا ڕێز لە یاسا نێونەتەوەییەکان دەگرێت.