کەمێک پێش ئێستە، فڕۆکەیەکی بێ فڕۆکەوانی دەوڵەتی داگیرکەری تورک، کەمپی پەنابەرانی شەهید ڕۆستەم جودی لە مەخمور بۆردوومان کرد.

بەپێی زانیارییەکان، مزگەوت و ماڵی هاوڵاتییەک بۆردوومانکراوە، لە ئەنجامدا دایکێک و دوو مناڵ کە لەبەر دەرگا یاریان دەکرد برینداربوون و زیانێکی زۆر بە مزگەوتەکە گەیشتووە. هەروەها گەلی نیشتەجێی کەمپەکە لە شوێنی بۆردوومانەکە گردبوونەتەوە و توڕەیی و ناڕەزایەتی دەردەبڕن. 

ناو بریندارەکان:  زەینەب چیویک (زەینەب ئیبراهیم) و  عەگید کانێت (عەگید تەکین عوسمان) و ئۆزگور کایا (ئازاد شەفیق محەمەد).

بریندارەکان ڕەوانەی نەخۆشخانە کراون، بە مەبەستی وەرگرتنی چارەسەر. 

چاوەڕوان دەکرێت گەل و دامەزراوەکانی نێو کەمپەکە لەم بارەیەوە لێدوانیان هەبێت...