فرۆکەیەکی بێفرۆکەوانی هێرشبەری دەوڵەتی تورکی داگیرکەر نیوەڕۆی ئەمڕۆ گوندی بۆکریسکانی سەر بە بناری قەندیلی دوو جار بۆردومان کردووە. هێرشەکە ناوەڕاستی گوندەکەی کردووەتە ئامانج و بەپێی زانیارییەکان لە ئەنجامی ئەو بۆردومانەدا ژنێک بە ناوی ئەستی محەمەد و پیاوێکیش بە ناوی میرزا ئیبراهیم برینداربوون.

بە گوێرەی هەواڵێکی رۆژ نیوز لە کاتی گواستنەوەیدا بۆ نەخۆشخانە ئەستی محەمەد بە هۆی سەختی برینەکانیانەوە ژیانی لەدەستداوە و تەرمەکەی گەیەنرایە پزیشکی دادی رانیە.

بریندارەکەی دیکەی ئەو هێرشە گواستراوەتەوە بۆ نەخۆشخانە و لە ژێر چاودێریدایە. بەهۆی هێرشەکەوە زیانی ماددی زۆریش بەر گوندەکە کەوتووە.

هـ . ب