هەپەگە-نەڕەچە ناسنامەی فەرماندەی هەپەگە، فەرماندە دەلیل تەمەلی ئاشکراکرد کە لە ساڵی ٢٠٢١ لە قەندیل شەهید بووە و گوتی: "بە فیداکاری ژیانی خاکیانەی و پەیوەستبوونی بە بەهاکانی گەلەوە بەوپەڕی بوێیرییەوە جەنگا و بووە فەرماندەیەکی سیمبوڵی مێژووی تێکۆشانمان."
ناوەندی ڕاگەیاندن و چاپەمەنی هێزەکانی پاراستنی گەل (هەپەگە-نەڕەچە) ناسنامەی فەرماندە دەلیل تەمەلی ئاشکرا کرد کە لە ساڵی ٢٠٢١دا لە ئەنجامی هێرشی سوپای تورک لە قەندیل شەهید بووە.
ڕاگەیاندراوەکەی هەپەگە بەم شێوەیە:
"فەرماندەی میلیتانی فیدایی ئاپۆییمان و هاوڕێی ڕەنجدەرمان هەڤاڵ دەلیل تەمەل لە ڕۆژی ٣٠ـی ئابی ٢٠٢١ لەئەنجامی هێرشێکی سوپای تورکی داگیرکەردا لەسەر هەرێمی قەندیل شەهید بوو.
هاوڕێمان دەلیل کە لە هەموو پارچەکانی کوردستاندا تێکۆشانی بەڕێوەبرد و هەموو ئەرکێکی بە گوێرەی ڕەگەزەکانی میلیتانی ئاپۆیی جێبەجێ دەکرد، بە درێژایی ٢٩ ساڵ تێکۆشانێکی بێپچڕانی بەڕێوەبرد. بە پاشخانی ئایدۆلۆژیی و ڕێکخستنییەوە، بە توانا سەربازییەکانی و ژیانی خاکیانەیەوە بووە کەسێکی نموونەیی و فیداییەکی هێڵی ئاپۆیی. بە فیداکاری ژیانی خاکیانەیی و پەیوەستبوونی بە بەهاکانی گەلەوە بەوپەڕی بوێیرییەوە جەنگا و بووە فەرماندەیەکی سیمبوڵی مێژووی تێکۆشانمان.
بەڵێن دەدەین پەرە بە تێکۆشانی هاوڕێمان دەلیل بدەین، کە بە پاشخان و ئەزموونەکانییەوە بەهای مەزنی خستەسەر تێکۆشانی ئازادییمان، هەمیشە یادی زیندووڕاگرین و ئامانجەکانی بگەیەنین بە سەرکەووتن. بەم باوەڕ و باوەڕدارییەمانەوە سەرەخۆشی خۆمان لە بنەماڵەی هێژایی هاوڕێی شەهیدمان، گەلی ڕەسەنی بۆتان و هەموو گەلی کوردستانمان دەردەبڕین.
زانییارییەکان دەربارەی ناسمانەی هاوڕێمان دەلیل تەمەل بەم شێوەیە:
ناسناو: دەلیل تەمەل
ناو و پاشناو: خەتیب ئارتورک
شوێنی لەدایکبوون: سێرت
ناوی دایک و باوک: هەدییە – ئەمین
کات و شوێنی شەهیدبوون: ٣٠ـی ئابی ٢٠٢١ / قەندیل."
