هەپەگە ناسنامەی ئەو گەریلایانەی ئاشکرا کرد کە لە باگۆک شەهید بوو و رایگەیاند، "هاوڕێیانمان گوڵبەهار، ئەیلەم و دیجلە کە لە دژوارترین گۆڕەپانەکاندا خەباتیان کرد، بەهۆی ئەو تایبەتمەندیانەیان بوونە نمونەی گەریلایەتی سەردەمی نوێی یەژا ستار".
راگەیەندراوی ناوەندی راگەیاندن و چاپەمەنی هەپەگە بەم جۆرەیە:
"٤ی ئابی ٢٠٢٣ لە گۆڕەپانی بەرخودانی باگۆکی مێردین لە هێرشی دوژمندا فەرماندەی پێشەنگی یەژاستار گوڵبەهار و جەنگاوەرانی گیانبازی ئاپۆیی هاوڕێیانمان ئەیلەم و دیجلە شەهیدبوون.
هاوڕێیانمان گوڵبەهار، ئەیلەم و دیجلە کە هەر یەکێکیان جەنگاوەرێکی گیانبازی ئاپۆیی بوون. لەناو تێکۆشانی ئازادیماندا کە ماوەیەکی زۆر لەناویدا بەشداربوون، بە هەڵوێست، بەشداربوون و قاڵبوونەوەیان لەسەر فەلسەفەی ئازادیی ژنی رێبەرمان، بوونە نمونە. ئەو هاوڕێ بەنرخانەمان هێڵی ئازادیی پەکەکە و پاژک، ئایدۆلۆژیای رزگاریی ژن، راستی ژنی ئازاد و پێوانەکانیان لە کەسایەتی خۆیاندا نەخشاند، لەهەموو خەباتێکدا بە شێوەیەکی فیدایی بەشدارییان کرد و بوونە پێشەنگ هاوڕێیانمان گوڵبەهار، ئەیلەم و دیجلە لە گۆڕەپانە هەرە دژوار و ئەستەمەکاندا ئەرکیان راپەڕاند و بەو تایبەتمەندیانەوە بوونە نمونەی گەریلایەتی سەردەمی نوێی یەژاستار.
سەرەتا سەرەخۆشی لە بنەماڵەی بەرێز و بە نرخییان دەکەین، کە جەنگاوەرانی بژاردەی وەک هاوڕێیان گوڵبەهار، ئەیلەم و دیجلەیان ناردە ناو تێکۆشانی ئازادیی گەلەکەمان، هەروەها سەرەخۆشیش لە سەرجەم گەلی وڵاتپارێزی کوردستان دەکەین.
زانیاری لە سەر ناسنامەی هاوڕێ شەهیدەکانمان بەم جۆرەیە:
ناسناو: گوڵبەهار مەرجان
ناو و پاشناو: شەکریناز کاپڵان
شوێنی لەدایکبوون: بەدلیس
ناوی دایک- باوک: میران- ئیسکان
کات و شوێنی شەهیدبوون: ٤ی ئابی ٢٠٢٣/ مێردین
ناسناو: ئەیلەم مونزور
ناو و پاشناو: ئەمینە کاپڵان
شوێنی لەدایکبوون: ئێلیح
ناوی دایک- باوک: دیلبەر- جەنگیز
کات و شوێنی شەهیدبوون: ٤ی ئابی ٢٠٢٣/ مێردین
ناسناو: دیجلە ئەیلەم
ناو و پاشناو: لەیلا گوڵجو
شوێنی لەدایکبوون: ئامەد
ناوی دایک- باوک: ئایتەن- عەلائەدین
کات و شوێنی شەهیدبوون: ٤ی ئابی ٢٠٢٣/ مێردین
هـ . ب
