هەپەگە ناسنامەی ٣ گەریلای ئاشکرا کرد، کە لە مەتینا شەهید بوون و ڕایگەیاند، "گەریلاکانی ئازادی کە لەسەر هێڵی بەرخۆدان سازش ناکەن، بە تێکۆشانی ئەفسانەیی نوێنەرایەتی هیوای ئازادی گەلەکەمان دەکەن و ڕۆڵی مێژوویی خۆیان دەگێڕن".
ناوەندی ڕاگەیاندن و چاپەمەنی هەپەگە لە ڕاگەیەندراوێکدا، ناسنامەی ٣ گەریلای بڵاوکردەوە، کە لە مەتینا شەهید بوون.
لە ڕاگەیەندراوەکەدا هاتووە:
"ئەو بەرخۆدانە بێهاوتایەی، گەریلاکانی ئازادی کوردستان لە هەرێمەکانی پاراستنی مێدیا لە دژی کۆلۆنیالیزمی تورک بەڕێوەیدەبەن، بەردەوامە. هاوڕێیانمان ڕۆژهات، ڕۆژدا و شۆڕش کە بە تێکۆشانیان بوونە ئافرێنەری دواڕۆژێکی ئازاد، لە هێرشی دوژمن لە هەرێمی مەتینا شەهید بوون.
پرسە و سەرەخۆشی خۆمان ئاراستەی هەموو گەلی وڵاتپارێزی عەرەب و کوردمان، بەتایبەتی بنەماڵەی فەرماندەی بوێر و کاتە دژوارەکان ڕۆژهات حەبەش، ژنی بوێری گەلەکەمان ڕۆژدا و ڕۆڵەی ئازای گەلی عەرەبمان شۆڕش دەکەین. بەڵێنمان دووپات دەکەینەوە کە هەرگیز شەهیدە پیرۆزەکانمان لەیاد ناکەین و ڕایدەگەیەنین کە بەدڵنیاییەوە ئامانجەکانیان بەدی دێنین.
زانیاری لەبارەی ناسنامەی هاوڕێ شەهیدەکانمان بەم جۆرەیە:
ناسناو: ڕۆژهات حەبەش
ناو و پاشناو: مەجید مەحمودی
شوێنی لەدایکبوون: کۆتۆڵ
ناوی دایک - باوک: زوبەیدە - حەسەن
کات و شوێنی شەهیدبوون: تەمووزی ٢٠٢٣ / مەتینا
ناسناو: ڕۆژدا زیلان دەمهات
ناو و پاشناو: کەزبان ئاکشین
شوێنی لەدایکبوون: بەدلیس
ناوی دایک - باوک: سەعادەت - شەمسەدین
کات و شوێنی شەهیدبوون: تەمووزی ٢٠٢٣ / مەتینا
ناسناو: شۆڕش سەرهەڵدان
ناو و پاشناو: ساڵح سلێمان عەرەب
شوێنی لەدایکبوون: حەسەکە
ناوی دایک - باوک: هیام - سلێمان
بەروار و شوێنی شەهیدبوون: حوزەیرانی ٢٠٢٣ / مەتینا
ژ. ن
