هەپەگە ناسنامەی ئەو ٤ گەریلایە بڵاوکردەوە، کە لە ئامەد شەهید بوون و رایگەیاند: "بە شەهیدبوونیان لە ئامەد بوونە چرای رووناککەرەوەی ڕێپێوانی ئازادی و سەرفیرازیی گەلەکەمان و بە تێکۆشان و فیداکارییەکانیان بەردەوام ڕێگاکەمان ڕووناک دەکەنەوە".
هەپەگە ناسنامەی ئەو ٤ گەریلایە بڵاوکردەوە، کە لە ئامەد شەهید بوون و رایگەیاند: "بە شەهیدبوونیان لە ئامەد بوونە چرای رووناککەرەوەی ڕێپێوانی ئازادی و سەرفیرازیی گەلەکەمان و بە تێکۆشان و فیداکارییەکانیان بەردەوام ڕێگاکەمان ڕووناک دەکەنەوە".
ڕاگەیەندراوەکەی ناوەندی راگەیاندن و چاپەمەنییەکانی هەپەگە بەو شێوەیەیە:
"لە ١٠ی ئەیلولی ٢٠٢١دا ئۆپەراسیۆنی داگیرکەری لەلایەن سوپای داگیرکەری دەوڵەتی تورکەوە بۆ سەر ناوچەی شەهید کەنداڵی ئامەد دەستی پێکرد، هاوڕێیانمان دژوار و مەروان، کە گروپێک لە داگیرکەرانیان خستبووە ژێر چاودێری و کۆنترۆڵی خۆیان، گورزی قورسیان لەو داگیرکەرانەدا و لە ئەنجامی شەڕەکەدا بەلانیکەمەوە ٢ داگیرکەر سزادران و چەندین داگیرکەریش برینداربوون. سوپای تورکی داگیرکەر لە ١٢ی ئەیلول ئۆپەراسیۆنەکەی بەرفراوانتر کرد و لە نێوان داگیرکەران و هاوڕێیانماندا شەڕی قورس روویدا. هاوڕێیانمان بە بەرخودانی جەنگاوەریی ئاپۆیی وەڵامی داوای خۆبەدەستەوەدان و خیانەتیان دایەوە و تاوەکو دوایین فیشەکیان شەڕیان کرد، پاشان بۆ ئەوەى بە دیلی نەکەونە دەستی دوژمن بۆمبیان بە خۆیاندا تەقاندەوە و شەهید بوون.
زانیاریی ناسنامەی هەڤاڵە شەهیدەکانمان بەو شێوەیەیە:
نازناو: دژوار ئامەد
ناو و پاشناو: هەمزە ئارکن
شوێنی لەدایکبوون: ئامەد
ناوی دایک و باوک: لوتفییە - مستەفا
کات و شوێنی شەهیدبوون: ١٢ی ئەیلولی ٢٠٢١ / ئامەد
****
نازناو: مەروان ئارارات
ناو و پاشناو: محەمەد ئەزگی
شوێنی لەدایکبوون: ئاگری
ناوی دایک و باوک: فاتمە - فەرەمەز
کات و شوێنی شەهیدبوون: ١٢ی ئەیلولی ٢٠٢١ / ئامەد
****
لە بۆردووماندا ٢ گەریلا شەهید بوون
ڕۆژی ٨ی ئەیلولی ٢٠٢١ سوپای تورکی داگیرکەر لە گۆڕەپانی شەهید بروسک لە ئامەد، کاتێک هاوڕێیانمان بروسک و دژوار لەسەر ئەرکی خۆیان بوون، بۆردومانێکی قورس و چڕی لەو ناوچەیە ئەنجامدا. لە ئاکامی ئەو بۆردومانەدا هەڤاڵانمان بروسک و دژوار، کە لە هەموو ساتێکدا بۆ ئازادیی گەلەکەمان دەجەنگان و لە تێکۆشان دا بوون شەهید بوون.
زانیاری لەسەر ناسنامەی هەڤاڵە شەهیدەکانمان بەو شێوەیەیە:
نازناو: بروسک دەیندار
ناو و پاشناو: سەنار دالایی میلان
شوێنی لەدایکبوون: ماکۆ
ناوی دایک و باوک: گولکی - ئیسلام
کات و شوێنی شەهیدبوون: ٨ی ئەیلولی ٢٠٢١ / ئامەد
****
نازناو: دژوار شەڕزان
ناو و پاشناو: زندان یەنی
شوێنی لەدایکبوون: ئامەد
ناوی دایک و باوک: مەنیجە - حەسەن
کات و شوێنی شەهیدبوون: ٨ی ئەیلولی ٢٠٢١ / ئامەد
هەڤاڵانمان دژوار ئامەد و مەروان ئارارات، بروسک دەیندار و دژوار شەڕزان، کە لە ئامەد شەهید بوون، لە ڕێپێوانی سەرکەوتن و ئازادی گەلەکەماندا بوونە مەشخەڵ، بە رەنج و فیداکاریی خۆیان بۆ هەمیشە رێگای ئێمەیان رووناک کردەوە و بە دڵنیاییەوە دەبنە پێشەنگمان. پێش هەموو شتێک لە بنەماڵەى هێژای هاوڕێیانمان و لە هەموو وڵاتپارێزانی گەلی کوردستان سەرەخۆشی دەکەین".
ژ.ت
