کۆمسیۆنی هەماهەنگی چەپی کوردستان لە راگەیەنراوێکدا، هێرشی داگیرکەری دەوڵەتی داگیرکەری تورک و هاوکاری پەدەکەی شەرمەزار کرد و داوای لە پارت و ڕێکخراوە کوردیەکان کرد کە هەڵوێستی رۆن و ئاشکرایان لەدژی داگیرکەری هەبێت.
کۆمسیۆنی هەماهەنگی چەپی کوردستان، لەبارەی هێرشی داگیرکەری دەوڵەتی تورک بە هاوکاری پەدەکە بۆ سەر خاکی باشوری کوردستان راگەیەنراوێکی بڵاوکردەوە.
لە راگەیەنراوەکەدا هێرشی دەوڵەتی تورک بە توندی شەرمەزارکرا و باسی ئەوەکرا کە، بێ هەڵوێستی حکومەتی هەرێم و عێراق لە بەرانبەر هێرشەکان لاوازیەکی گەورەیە. پێویستە هەردوو حکومەت خاوەنداری لە بەرپرسیاری خۆیان بکەن، ئەرکەکانیان بە فەرمی بۆ پاراستنی سەروەری خاکی کوردستان و عێراق بەجێ بهێنن.
لە بەردەوامی راگەیەنراوەکەدا، داوا دەکرێت کە نەتەوە یەکگرتووەکان و وڵاتانی زلهێز لەدژی دەستوەردانی دەوڵەتی تورک هەڵوێست وەربگرن کە ئەم هێرش و دەستوەردانە دەبێتە هۆی تێکچوونی ئارامی ناوچەکە.
هەروەها باسی ئەوەشکراوە کە پێویستە حکومەتی تورک لە رێگەی سیاسی و دیموکراسیەوە کێشەی کورد چارەسەر بکات، لەبەرئەوەی گەلی کورد دەست لە مافە رەواکانی هەڵناگرێت.
لە کۆتاییدا داوای لە هەموو پارت و ڕێکخستنە کوردیەکان کرد کە لەدژی دەستوەردان و داگیرکەری تورک هەڵوێستێکی ڕۆن و ئاشکرایان هەبێت.
ئەم حزبانە ئیمزایان لەژێر راگەیەنراوەکە کردووە، هزی شیوعی کوردستان، حزبی زەحمەتکێشانی کوردستان و تەڤگەری دیموکراتی گەلی کوردستان.
ف.ق
