ناڕەزایەتییەکان لە دژی زەوتکردنی شارەوانی دێرسیم و پولور بەردەوامە. لە ناوەڕاستی شارەدا دوانیوەڕۆی ئەمڕ لە گۆڕەپانی سەید رەزا خۆپیشاندان ئەنجام دەدرێت. هاوسەرۆکی گشتیی دەبەپە چیدەم کلیچگون ئوچار، سەباحەت تونجەل، هاوسەرۆکی گشتیی پارتی سۆسیالیستی بندەستان (ئەسەپە) موراد چەپنی و هاوسەرۆکانی شارەوانی کە لە ئەرکەکانیان داراون بیرسەن ئۆرهان و جەودەت کۆناک سەردانی کاسبکارانیان کرد.

ئەندامانی پارتە سیاسیەکان بۆ بەشداری لە چالاکیەکەی گۆڕەپانی سەید رەزا، گەل و کاسبکارانیان بانگهێشت کرد. بە دروشمی "شارەوانی بۆ ئێمەیە، قەیوم بڕۆ" و "بەرخودان ژیانە" بەسەرکردنەوەی کاسبکاران بەردەوامە.