ئەمڕۆ لە هۆڵی خاک لە شاری سلێمانی مەراسیمێک ڕێکخرا بۆ بەرزڕاگرتنی ساڵیادی شەهیدبوونی شەهیدی پێشەنگ دیار غەریب، دەیان وڵاتپارێز و ئەندامانی تەڤگەری ئازادی و هاوخەباتانی شەهید دیار غەریب لە مەراسیمەکەدا ئامادەبوون.

پاش خولەکێک وەستان بۆ گیانی شەهیدان و گوتنەوەی درووشمی "شەهید نامرێت" و "شەهید دیار نامرێت"، وتاری کەجەکە خوێنرایەوە. لە وتارەکەی کەجەکەدا هاتبوو: " دەوڵەتی فاشیستی تورکیا، کە دەوڵەتێکی شەڕی تایبەت و قڕکەر و کۆمەڵکوژە، لەبەرامبەر بە تێکۆشان و بەرخۆدانی گەلی کورد و تەڤگەری شۆڕشگێڕی، بێ چارەماوە و گەیشتووەتە ئاستی هەرە لاوازی خۆی".

لە درێژەی وتارەکەی کەجەکەدا هاتووە: "هەڤاڵ دیار دوای بەشدار بوونی لە تەڤگەرکەمان بە فیداکاری و دڵسۆزی و بەڕۆحییەتێکی وڵاتپارێزیی و شۆڕشگێڕییەوە بەشداری هەموو بوارەکانی خەبات و تێکۆشان بوو، یەکێک لەو هەڤاڵانەبوو کە چووبووە گۆڕەپانی سەرۆکایەتی و لەلای ڕێبەر ئاپۆ پەروەردەی بینیبوو، دەیخواست لەنزیکەوە ڕاستینەی فیکر و فەلسەفەی سەرۆکایەتی تێبگات و لەکەسایەتی خۆیدا بەرجەستەی بکات".

دواتر هاوسەرۆکی تەڤگەری ئازادی کوردستان، تارا حوسێن، ئاماژەی بەوە کرد، هەڤاڵ هەڵمەت پاش ماوەیەکی کەم لە بەشداری و وەرگرتنی پەروەردە، خۆی بووە پێشەنگ و وڵاتپارێزانی پەروەردە دەکرد.

تارا حوسێن لە درێژەی قسەکانی گوتی: "هەڤاڵ دیار بەپێوانەکانی ڕێزگرتنی لە ژن، بەردەوام بوو لەتێکۆشان و هیچ کاتێکی خۆی بەفیرۆ نەدەدا، هەمیشە بەدوای چارەسەرییدا دەگەڕا بۆ پرسی کەسێتی و دواتر کێشەکانی کۆمەڵگە و سیاسی، دەیویست لەوەچەرخانی تاکدا وەچەرخانيک فکری گەشە پێ بدات".

لە درێژەی مەراسیمەکەدا، چەند وتارێکی تر دەخوێنرێتەوە و بەڵگەفیلمێک دەربارەی ژیانی شەهید هەڵمەت پیشان دەدرێت.