له ئامه‌د ڕۆژنامه‌نووسێكی تر ده‌ستگیر كرا
پۆلیسی ده‌وڵه‌تی تورك له شاری ئامه‌د، دوای هه‌ڵكوتانه سه‌ر ماڵه‌كه‌ی، ڕۆژنامه‌نووس قادر بایرامی ده‌ستگیر كرد.
پێیشنیوه‌ڕۆی ئه‌مڕۆ، پۆلیسی ده‌وڵه‌تی تورك له شاری ئامه‌د، دوای هه‌ڵكوتانه سه‌ر ماڵه‌كه‌ی، ڕۆژنامه‌نووس قادر بایرامی ده‌ستگیر كرد.
دوای ده‌ستگیركردنی، ئه‌و ڕۆژنامه‌نووسه گواستراوه‌ته‌وه بۆ به‌ڕێوه‌به‌رایه‌تی ئاسایشی شاری ئامه‌د. له‌باره‌ی هۆكاری ده‌ستگیركردنی ڕۆژنامه‌نووس قادر بایرام هیچ زانیارییه‌ك به‌رده‌ست نییه.
جێی ئاماژه له ماوه‌ی دوو ساڵی ڕابردوو به ده‌یان ڕۆژنامه‌نووس له‌لایه‌ن هێزه‌كانی سه‌ر به ده‌وڵه‌تی تورك له توركیا و باكووری كوردستان ده‌ستگیر و ڕه‌وانه‌ی زیندان كراون.
ژ.ن
