جەنگاوەرانی ئازادیی کوردستان (ماک) لە راگەیەندراوێکدا ئاشکرای کردووە، "٤ی ئاب دەوروبەری کاتژمێر ٢٣:٠٠ جەنگاوەرانمان لە گەڤەر لە بەرامبەر بنکەی پۆلیسی ٧٥.ییل لە گەڕەکی کشڵای گەڤەر چالاکییان ئەنجامداوە. جەنگاوەرانمان بە نارنجۆک و چەکی دەستی بە شێوەی کاریگەر بینای بنکەکە و بەشی پشکنینیان کردووەتە ئامانج".

ماک ئەوەشی خستووەتەڕوو، "لە ئەنجامی نارنجۆکەکان و دەستڕێژی گولـلەدا بە روونی دەرکەوتووە بیناکان زیانیان بەرکەوتووە و لانیکەم دوو داگیرکەریش برینداربوون. دوای چالاکیەکە ئۆتۆمبێلی فریاگوزاری تەندروستی رەوانەی ناوچەکە کران و بریندارەکان گواسترانەوە بۆ نەخۆشخانە".

لە راگەیەندراوەکەدا هاتووە کە جەنگاوەران لە شوێنەکە کشاونەتەوە و داگیرکەران بۆ ماوەیەکی زۆر بە ناوچەکەدا سوڕاونەتەوە و گوشاریان خستووەتە سەر گەل.

ماک باسی لەوەشکردووە، کە بەو چالاکیەیان بەرەوپێشوازی ساڵیادی هەڵمەتی مێژوویی ١٥ ئاب رۆیشتوون و ئەوەی خستووەتەڕوو، "رۆژ رۆژی بینینی رێبەر ئاپۆ و کوردستانی ئازادە. وەرن هەموومان پێکەوە لەو شەڕەدا بەشداربین و خیانەت و داگیرکەری لە کوردستان بکەینە دەرەوە".