مانگرتنی زیندانیان لە زیندانی مێردین ١١ رۆژە بەردەوامە
لە زیندانی پیتی (E) کە زیندانیان دەستیان بە مانگرتن لە خواردن کردووە، زیندانیەک دوورخرایەوە. زیندانیان بڕیاریاندا کە چالاکیەکە بە گروپی ٦ کەس بەردەوام بێت.
مانگرتنی بێکات و دەوری کە لە ٢١ی شوباتەوە لە زیندانی پیتی (E) مێردین دەستیپێکردبوو، ١١ رۆژە بەردەوامە.
زیندانیان بڕیاریاندا کە چالاکی مانگرتن لەخواردن بە شێوەیەکی گروپی ٣ کەسی و دەوری بەردەوام بێت، بەڵام بریاردرا کە بە گروپی ٦ کەسی و دەوری بێت. زیندانیان بە ناوی محەمەد شەریف ئاجار، ئازاد گوربوز، عەبدولرەحمان شیمشەک، حسێن عەلی، سەرحەد بۆگاکچا و وەدات کۆیونجو چالاکیەکەیان وەرگرت.
زیندانیەک دوورخرایەوە
لە کاتێکدا کە چالاکیەکە بەردەوامە، بەڕێوەبەری زیندانەکە لە ٢٥ی شوباتدا زیندانیەکیان بە ناوی ئیلهام ئیشی بۆ زیندانی ئیسلاحیە گواستەوە.
ف.ق
