لە دیلۆک ئەمیر باقی بایندری تەمەن ١٠ ساڵ کاتێک لە سەر شەقام یاری دەکرد بە بیانووی ئەوەی "هاروهاجی و دەنگەدەنگی کردووە' لەلایەن دوکاندارێکی گەڕەکەکەوە بە فیشەک کوژرا.

رووداوەکە شەوی رابردوو لە گەڕەکی گوزەلڤادی روویداوە. دوکانداری بکوژ لە گەڕەکەکە دوکانی سەوزە و میوەی هەبوو. کاتێک ئەمیر باقی بایندر کایەی دەکرد، بکوژەکە بە دەنگی یاریکردنەکەی توڕە بووە و بە چەک فیشەکێکی پێوەناوە و لە شوێنەکە هەڵاتووە. تیمەکانی تەندروستی رەوانەی ناوچەکە کراون و منداڵەکەیان گواستوەتەوە بۆ نەخۆشخانە. منداڵەکە ژیانی لەدەستداوە و تەرمەکە لە پزیشکی دادی شارەکەیە.