پارتی ژیانی ئازادی كوردستان (په‌ژاك) به‌ بۆنه‌ی هاتنه‌وه‌ی نه‌ورۆزی ٢٠٢٢ نامیلكه‌یه‌كی به‌ ناوی "٥٠ هه‌مین نه‌ورۆزی سه‌رفرازی" له‌سه‌ر ماڵپه‌ڕی خۆی بڵاوكردوه‌ته‌وه‌.

په‌ژاك بۆ ناساندنی ئه‌و كتێبه‌ ئه‌م شتانه‌ی نوسیوه‌:

"وه‌ك گه‌لی كورد و بزوتنه‌وه‌ی ئازادی كوردستان ئێمه‌ له‌ نه‌ورۆزێكی نوێدا ده‌ژین. نه‌ورۆز گۆڕدراوه‌ بۆ جه‌ژنی یه‌كێتی، به‌رخودان و ئازادی ئێمه‌ و یه‌كێك له‌ كۆنترین جه‌ژنه‌كانی مێژووی مرۆڤایه‌تیه‌. به‌ تێكۆشانی رێبه‌رایه‌تی و دامه‌زراندنی په‌كه‌كه‌ نه‌ورۆز جوانتر و به‌ واتاتر بووه‌ و گه‌ڕاوه‌ته‌وه‌ سه‌ر جه‌وهه‌ری بنچینه‌یی خۆی. وه‌ك چۆن به‌ هاتنی به‌هار گوڵ سه‌ر له‌نوێ ده‌پشكوێن، ئێمه‌ش به‌ هاتنی نه‌ورۆز خۆمان نوێ ده‌كه‌ینه‌وه‌ و جارێكی تر خۆمان بونیات ده‌نێینه‌وه‌، به‌ رۆح و زانینی گرنگی یه‌كێتی، ئێمه‌ به‌رخودان و ئازادی ده‌گه‌یه‌نینه‌ لوتكه‌.

به‌و بۆنه‌یه‌وه‌ نامیلكه‌ی نه‌ورۆزی ٥٠هه‌مین بڵاوكراوه‌ته‌وه‌.

كتێبه‌كه‌ به‌ زاراوه‌ی كرمانجی و زمانه‌كانی فارسی و ئازه‌ری ئاماده‌كراوه‌ و له‌سه‌ر ئه‌م لینكه‌ به‌رده‌سته‌.

هـ . ب