پارتی ئازادی ژنی كوردستان (پاژك) باسی له‌وه‌كردووه، كه هێرشه‌كانی ده‌وڵه‌تی تورك له‌گه‌ڵ په‌ده‌كه بۆ سه‌ر هه‌رێمه‌كانی پاراستنی مه‌دیا، شه‌نگال و رۆژئاوا، "شه‌ڕ له دژ ئه‌و كوردانه‌یان كه خۆبه‌ده‌سته‌وه‌دانیان قبوڵ نه‌كرووه".
به‌ڕێوه‌به‌رایه‌تی پاژك راگه‌یه‌نراوێكی بڵاوكرده‌وه و باسی له‌وه‌كردووه، كه هێرشی نوێی ده‌وڵه‌تی تورك كه ١٧ی نیسان ده‌ستیپێكرد "كۆنسێپتی پاكتاوی به‌رفراوانه" و باسی له‌وه‌كردووه، "ئه‌و شه‌ڕه بۆ گه‌لی كورد شه‌ڕی هه‌بوون و ئازادییه".
راگه‌یه‌نراوه‌كه‌ی پاژك به‌م جۆره‌یه:
له قۆناغێكدا كه شه‌ڕی جیهانی سێهه‌م به‌رفراوان بووه، بازرگانی و سه‌ودای چه‌په‌ڵ به‌سه‌ر كوردستان ده‌كرێت و به چاوی به‌رژه‌وه‌ندییه‌وه لێكدانه‌وه‌ی بۆ ده‌كرێت. وه‌ك سه‌ده‌ی رابردوو له‌م كاته‌شدا ده‌یانه‌وێت كوردان و به‌هاكانی پاكتاو بكه‌ن. له بری كوردایه‌تیه‌ك له سه‌ر بنه‌مای خۆبه‌ڕێوه‌به‌ری، كوردایه‌تیه‌ك كه ناپاكی و خیانه‌ت له به‌ها و خاكی خۆی ده‌كات و خزمه‌ت به دوژمن ده‌كات به‌سه‌ر گه‌لانی ناوچه‌كه و ژناندا ده‌سه‌پێنرێت و به‌و جۆره ده‌یانه‌وێت كه له‌م سه‌ده‌یه‌شدا گوشار و زۆرداری پاكتاوكاری به‌سه‌ر گه‌له‌كه‌ماندا بسه‌پێنن و به بێ قه‌واره بیهێڵنه‌وه. به مۆڵه‌تپێدانی هێزه هه‌ژمۆن و یه‌كده‌ست خوازه‌كان و به خیانه‌تی په‌ده‌كه هێرشه هه‌مه‌لایه‌نه‌كانی بیركردنه‌وه‌ی فاشیستی ئاكه‌په- مه‌هه‌په به‌و ئامانجانه ئه‌نجام ده‌درێن. ئه‌م هێرشه كۆنسێپتێكی به‌رفراوانی پاكتاوكارییه كه هێزه نێونه‌ته‌وه‌یی، هه‌رێمی و كوردانی نۆكه‌ریش تیایدا به‌شدارن.
هێرشی فاشیزمی ده‌وڵه‌تی تورك كه به پشتیوانی ته‌واوه‌تی هێزه نێونه‌ته‌وه‌ییه‌كان ئه‌نجام ده‌درێت، به‌و ئامانجانه‌ن كه نه‌هێڵن شۆڕشی ئازادیمان له سه‌رتاسه‌ری رۆژهه‌ڵاتی ناوه‌ڕاست بڵاوببێته‌وه و كاریگه‌ری بكاته سه‌ر ته‌واوی جیهان، ده‌یانه‌وێت سه‌ركوتی بكه‌ن و بیخنكێنن. به‌م جۆره ده‌یانه‌وێت كه سیاسه‌تی پاكتاوكاری و له‌ناوبردنی سه‌دساڵه كه به‌سه‌ر گه‌له‌كه‌مانیاندا ده‌سه‌پێنن سه‌ركه‌وتووی بكه‌ن.
كورد به سه‌دان ساڵه له‌سه‌ر ده‌ستی هێزه هه‌ژمونخوازه‌كان بێ قه‌واره هێڵراوه‌ته‌وه، كوردستان داگیركرا و تاڵان كرا. ئه‌مڕۆش هێرشه پاكتاوكارییه‌كانی ده‌وڵه‌تی توركی فاشیست كه دوژمنی كوردانه، به پشتیوانی هه‌مان ئه‌و هێزانه ئه‌نجام ده‌درێن. هێرشه داگیركارییه‌كان له چوار پارچه‌ی كوردستان، له مه‌خمور و شه‌نگال له ١٧ی نیساندا به به‌شداری په‌ده‌كه به شێوه‌یه‌كی هاوكات بۆ سه‌ر هه‌رێمه‌كانی پاراستنی مه‌دیا، شه‌نگال و رۆژئاوای كوردستان ده‌ستیپێكرد، ئه‌م راستیه نیشان ده‌دات.
هێرشی لەناوبردن كەلەلایەن فاشیزمی دەوڵەتی توركەوە بەرێوە دەچێت، نەتەنیا لەدژی بزوتنەوەی ئازادیخوازیخوازی گەلی كوردستان یا گەریلایە. شەڕێكی وەهایە كە لەدژی هەموو ئەو كوردانەیە كە بەشێوەیەكی ئازاد بیردەكەنەوە و تەسلیمیت و بندەستی قەبوڵ ناكەن، لەبەر ئەوەش لەدژی فاشیزمی دەوڵەتی تورك، لەدژی چەمكی خیانتكاری پەدەكە، لەبەرامبەری مامەڵەكردنی پیسی هێزە هەژەمۆنپارێزەكان، دەبێت كوردان هەموو و بەتایبەتی ژنان دەبێت لەكوێ بن، بەشداری بەرخۆدان بەپێشەنگایەتی گەریلاكانی ئازادی ببن. ئەمەش بۆ خۆیان وەكو ئەركێكی بنەڕەتی و وڵاتپارێزی ببینن و تێكۆشان بڵند بكەن.
تێكۆشانی ئێمەی ئازادیخوازی بەو ئەندازەی بۆ گەلی كوردە، بۆ ژنان، گەلانی هەرێمەكە و دنیا نرخ مەزن و گەورەی بۆ ئازادی ئافراندووە. ئێستاش دەیانەوێت ئەم نرخ تەسفیە بكەن. لەدژی رێبەر ئاپۆ كە نوێنەرایەتی هەموو ئەو نرخانە دەكات، گۆشەگیریەكی توند بەرێوە دەچێت و دەسەپێنن. بەندكراوانی ئازادی لەزیندانەكاندا كۆمەڵكۆژ دەكەن، بەئۆپەراسیۆنی لەناوبردنی سیاسی دەیانەوێت گەلەكەمان تەسلیم بگرن و هێرشی هەموو نرخەكانمان دەكەن. گەریلاكانی ئازادیخوازی كوردستان بۆ ئەوەی ئەو نرخانە بپارێزن و بكەنە ماڵی هەموو گەلان بەشێوەیەكی مێژوویی بەرخۆدان دەكەن. كورد، ژنان و لایەنگێرانی ئازادی دەبێت لەدژی فاشیزمی دەوڵەتی تورك، لەدژی خیانەتی پەدەكە دەست لەناودەست لەگەڵ بەرخۆدانی گەریلای مێژوویی هەڵسەوكەوت بكەن، لەدژی لەناوبردن و خیانەت بەهێزی خۆیان، بەروومەتی خۆیان، بەراستینەی گەلی شەڕكەر و بەرخۆدانڤان وەڵام بدەنەوە. ئەركی مێژوویی گەلی كوردستان، ژنان و لایەنگێرانی ئازادی بەشداری بەرخۆدانی، قارەمانیەتی ئەوانە ببن كە لەهەر هەلومەرجێكی قورس و گراندا رێگە بەتەسلیمیەت و خیانەت و داگیركەری نادەن.
گەریلاکانی ئازادیی کوردستان بە درێژایی ساڵ لە زەندورا، مامڕەشۆ، شاخەسوور و وەرخەل بە شێوەیەکی فیداییانە بەرەنگاری داگیرکاری و خیانەتیان لەسەر هێڵی بێریتان کرد، بە شیوەیەکی فیداییانە بەرەنگارییان کرد و ڕێگایان بە دوژمن نەدا و ئەو بەرخودانەیان لە زاپ، مەتینا و ئاڤأشین دریژە پێدا و بەوەش بوونە بانگەوازێک و ئەوەیان سەلماند، کە دەبێت هەڵوێستی کوردانی ئازاد چی و چۆن بێت. هەموو کەسێک لە هەموو شوێنێک دەبێت بە هەمان ڕۆحەوە لە دژی کۆمەڵکوژی و پاکتاوکاری بێت، بە هەمان رۆحەوە بەشداری لە بەرخودانی گەریلادا بکات و گەشی بکەن.
سەرەڕای بانگەوازی تەڤگەری ئازادی و گەلەکەمان و ڕێبازە بەرپرسیارانەکانمان، پەدەکە بەهاکانی گەلەلەکان، کە بە تێکۆشانێکی گەورەوە بەدەستی هێناوە و خاکی کوردستان پێشکەشی فاشیزمی دەوڵەتی تورک دەکات. پێویستە خەڵکی کوردستان لە دژی خیانەتی پارتی هەڵوێستی تەواویان هەبێت. لە ئامێزگرتنی دوژمنێک، کە کورد دەکوژێت و تاڵانی دەکات و کوردستان داگیر دەکات و ناتوانێت خۆی بەرامبەر بە بەهاکان و هەبوونی کورد رابگرێت، ئاستی خیانەتەکەی دەردەخات. دەبێتە ئامڕاز و شەریک لە جینۆسایدکردنی کوردان. مێژوو لەو هەڵوێستە نابورێت، هەموو ئەو کەسانەی خۆیان بە کورد دەزانن، نابێت ئەمە قبوڵ بکەن و لێی ببورن.
ئێمە گەل و بزووتنەوە لە پرۆسەیەکی مێژووییداین. ئەوانەی مۆری خۆیان لە پرۆسە مێژووییەکان دەدەن هەمیشە گەل و ژنانی خۆڕاگر و بەرەنگار بوون. شکستی فاشیزمی ئاکەپە - مەهەپە و ڕووخاندنی دەوڵەتی تورکی داگیرکەر - پاکتاوکار کوردستانی ئازاد و ڕۆژهەڵاتی ناوەڕاستی دیموکراتیک بە ڕۆحی خۆ تەیارکردنی هەمەلایەنە بەدی دێت و ئێستا کاتی ئەوە هاتووە. پێویستە گەلەکەمان و ژنان لە هەر چوار پارچەی کوردستان و دەرەوە بە هەڵوێستی بەرخۆدانی ٨ی ئازار و نەورۆزەوە بەشداری لەو بەرخۆدانە مەزنەدا بکەن، کە دەرئەنجامی مێژوویی دەبێت.
لەسەر ئەم بنەمایە داوا لە گەلەکەمان لە باشوری کوردستان، هەموو گەلەکەمان، لایەنگرانی ئازادی، هێزە دیموکراسیخوازەکان، چەپەکان، سۆسیالیستەکان، ژینگەپارێزان، فێمینیستەکان و داکۆکیکارانی مافی مرۆڤ دەکەین، کە بەبێ دواخستن و دواکەوتن لە دژی داگیرکاری هەڵوێستی نیشان بدەن و وانەیەکی مێژووی بە فاشیزمی دەوڵەتی تورک و خیانەت دابدەن. بە دڵنیاییەوە سەرکەوتن بۆ گەل و گەریلا و ژنانی خۆڕاگر و بەرەنگار دەبێت".
هـ.ب / ژ.ت
