مەراڵ دانش بەشتاش جێگری سەرۆکی فراکسیۆنی پارتی دیموکراتی گەلان (هەدەپە) و کاندیدی پارتی چەپی سەوز لە ئەرزەرۆم، لەگەڵ بەڕێوەبەرێکی پارتەکە و شۆفێرەکەیان، لە چوارچێوەی کاروباری هەڵبژاردندا سەردانی ناوچەی قەرەیازی ئەرزەرۆمیان کردبوو و لە رێگەدا تووشی رووداوی هاتوچۆ بوون.

بەشتاش لە ئۆتۆمبێڵەکەدا گیری خوارد و دوای هەوڵی تیمەکەکانی فریاکەوتن لە ئۆتۆمبێڵەکە دەرهێنرا. بەگوێرەی زانیاریەکان دۆخی تەندروستی بەشتاش باش نییە و بۆ نەخۆشخانەی دەوڵەت لە ئەرزەرۆم رەوانەکراوە.

هەروەها برینی دوو کەسەکەی دیکە قورس نییە و ئەوانیش لە نەخۆشخانە چارەسەریان بۆ دەکرێت.

ف.ق