ئەمڕۆ پرۆسەی دەنگدانی تایبەت بۆ هەڵبژاردنی خولی شەشەمی پەرلەمانی کوردستان دەستی پێ کرد، پرۆسەکە لە هەر چوار پارێزگای هەولێر و سلێمانی و دهۆک و هەڵەبجە ئەنجامدرا.

کاتژمێر ٦ ی ئێوارە، بە بڕیاری کۆمیسۆن بنکەکانی دەنگدان داخران و پرۆسەی دەنگدانی تایبەت کۆتایی هات. بەپێی ئاماری کۆمیسۆن ڕێژەی بەشداریکردن لە دەنگدان ٩٧٪ بووە. 

ڕۆژی یەکشەممە ٢٠ی تشرینی یەکەم پرۆسەی دەنگدانی گشتیی بەڕێوەدەچێت و بە گشتی ٢ ملیۆن و ٢٠٨ هەزار و ١١٥ دەنگدەر مافی بەشداری لە پرۆسەکەدا دەبێت.