هونەرمەندی کورد بەسەر شاهین بۆ یادی ژینا ئەمینی بەرهەمێکی بە ناوی 'ژینا ئەمینی' بڵاوکردەوە و بەر لە ماوەیەکیش کلیپی بۆ ئەو گۆرانیەی کرد. هۆنراوەی گۆرانیەکە هەر لەلایەن بەسەر شارینەوە نوسراوە و موزیکەکەش لەلایەن هونەرمەند مەمۆ گوڵ ئامادەکراوە.

لە قۆناغی بەرهەمهێنانی گۆرانی و کلیپەکەدا ژمارەیەکی زۆر لە هونەرمەندان بە شێوەی جیاجیا بەشداربوون.

گۆرانی 'ژینا ئەمینی'ی هونەرمەند بەسەر شاهین تەنیا گۆرانییەک نییە، لەهەمان کاتدا روخساری تێکۆشانی ئازادی، ئاستەنگەکانی بەردەمیان و ئازارەکانی ژنانی کوردە.

بەسەر شاهین باسی لەوەکرد کە وەک ژن و هونەرمەندێکی کورد ئەو ئێشەی کۆمەڵگە و جوگرافیای خۆی بە قووڵی هەستپێکردووە و وتی، "لە دووەم ساڵیادی شەهیدبوونی ژینا ئەمینیدا بە رێزەوە یادی دەکەینەوە. لە کەسایەتی ژینادا شەهیدانی راگەیاندنی ئازاد و سەرجەم ئەو ژنانەی لە پێناو ئازادیدا قوربانیانداوە، بە رێزەوە یادیان دەکەوە. ژینا ئەمینی کچێکی گەنجی رۆژهەڵاتی بوو. لە لایەن رژێمی مەلاکانەوە کوژرا. ئێمە دەزانین کە هۆکاری کوشتنی تەنیا بەدەرەوەبوونی قژ و جوانیەکەی نەبوو؛ بەڵکوو ناسنامەی ئەو بوو. قۆناغێکی پێش ئەو و پاش ئەو هەبوو. گەلەکەمان لەوێ لەپێناو ناسنامە و کولتور و هەبوونی خۆیان قوربانیانداوە. قژی ژینا کرا بە بیانوو و ئەویان کوشت. بەڵام ئەوە پەیامێک بوو. خەڵکەکەمان لەم جوگرافیایە، گەلی کورد لە ژێر هەڕەشەدایە. لە رێگەی لەسێدارەدان و کۆمەڵکوژیەوە هەڕەشەی لێدەکرێت".

بەسەر شاهین ئاماژەی بەوەشکرد کە دوای کوژرانی ژینا ئەمینی دروشمی ' ژن، ژیان، ئازادی' گۆڕدرا بۆ تێکۆشانی ژنانی جیهان و وتی، "ئەگەر بەهۆی تێکۆشانی ژنانی کوردەوە نەبوایە، رەنگە کوژرانی ژینا لەبیر بکرایە".

بەسەر شاهین ئەوەشی خستەڕوو کە خۆڕاگری بزوتنەوەی ژنانی کورد لە خاوەنداری لە ژینا ئەمینی بووە هۆی ئەوەی لەیاد نەکرێت و راشیگەیاند، "وەک مرۆڤێک کە هەستی بەوەکرد، ویستم بنوسم و ئەوەم کرد. هیوادارم کە ئەوەش لە دڵی مرۆڤەکاندا جێگە بکاتەوە. خاوەنداری بزوتنەوەی ژنانی کورد کە رێکخراو، زانا و بەهێز بوو، وایکرد کە ژینا ئەمینی لە بیر نەچێت و ببێتە هێما و رەمزێکی تێکۆشانی ژن، ژیان، ئازادی. ئەگەر لەسایەی ئەو تێکۆشانە بەهێزەی ژنانی کوردەوە نەبوایە، کوژرانی ژینا ئەمینیش وەک کوژرانی ژنانی پێس خۆی لەبیردەکرا. کۆمەڵگا وشیارە و ژنانیش خاوەن وسیار و رێکخستنن. کوستن ئیتر بە بێدەنگی لەبیر ناکرێت. بۆیە ئیتر هێمایەکە. لە دۆزی ئێمەدا و لە تێکۆشانماندا، یەک لە هێما و رەمزەکانە. لەبەر ئەوەی سەدان هێما و سیمبولمان هەیە. ژینا ئەمینی چیتر تەنیا کچی دایک و باوکی خۆی نییە بە تەنیا، ئەو کچی گەلی کورد و رۆڵەی گەلی کورد و بەهای گەلی کوردە. جیا لەوەش بووە هێمای تێکۆشانی ژنانی جیهان".