١٤ سەربازی ڕژیمی ئێران لەسەر سنووری پاکستان ڕفێندران
بەرەبەیانی ئەمڕۆ لەلایەن گروپێکی نەناسراو ١٤ سەربازی هێزەکانی ڕژیمی ئێران لەسەر سنوورەکانی ئێران وپاکستان ڕفێندران.
بەرەبەیانی ئەمڕۆ لەلایەن گروپێکی نەناسراو ١٤ سەربازی هێزەکانی ڕژیمی ئێران لەسەر سنوورەکانی ئێران وپاکستان ڕفێندران.
بەگوێرەی هەواڵی ئاژانسی ئیرنا هەوالنێری فەرمی ڕژیمی ئێران ، بەرەبەیانی ئەمڕۆ لە سنوورەکانی شارۆچکەی میرجاوەی سەربە بەلوچستان حەوت ئەندامی بەسیج، پێنج پاسەوانی سنوور و دوو ئەندامی ئیتلاعاتی سوپای پاسداران ڕفێندراون.
چەند هەواڵنێرییەکی ئێران ڕایگەیاندووە کە ئەو ١٤ سەربازە لەلایەن گروپی جەیشی عەدلەوە ڕفێندراون.
ڕاگەیاندنەکانی سەر بەڕژیمی ئێران زانیاری زیاتریان بڵاونەکردووەتەوە و تا ئێستاش هیچ گروپێک بەرپرسیارێتی ئەوکردەوەیەی لە ئەستۆ نەگرتووە.
تائیستا بەرپرسانی باڵای ئێران هیچ لێدوانێکیان لەوبارەیەوە نەداوە .
ئەو هێزە سەربازییانەی ئێران لە خاڵی سفری سنووری ناوچەی لولکەدان-ی ڕیگ مەلەکی شاری میرجاوەی سەربە بەلوچستان ڕفێندراون.
بە پێی هەواڵی ئاژانسەکانی ناوخۆی ئێران ٧ کەس لە ڕفێندراوەکان ئەندامی بەسیج، ٥ کەس ئەندامی هێزی سەرسنوور و٢ کەسی دیکەیان ئەندامی دەزگەی هەواڵگری سوپای پاسدارانی ئێرانن.
ک-ش