وەزارەتی بەرگریی ئێران لە بەیاننامەیەکدا ڕایگەیاند، فڕۆکە بێفڕۆکەوانەکان درەنگانی شەو هێرشیان کردووەتە سەر کارگەی وەزارەتی بەرگری لە ئیسفەهان، بەڵام لەلایەن سیستەمی بەرگریی ئاسمانییەوە تێکشکاوە.

ڕاگەیەندراوە، هێرشەکە کاتژمێر ٢٣:٣٠ ی شەوی ڕابردوو ڕوویداوە و تەنها فڕۆکەیەکی بێفڕۆکەوان بە ئامانجەکەی گەیشتووە. دوو فڕۆکەی بێ فڕۆکەوانی دیکە لەلایەن سیستەمی بەرگریی ئاسمانیەوە تەقێندرانەتەوە.

وەزارەتی بەرگریی ئێران بەبێ ئاشکراکردنی سەرچاوەی فڕۆکە بێفڕۆکەوانەکان ڕاشیگەیاند: "لە ئەنجامی ئەو هێرشەدا هیچ زیانێکی گیانی ڕووی نەداوە و تەنها سەربانی کارگەکە زیانی پێگەیشتووە".

ژ.ت