فەرماندەیی ناوەندی ئەمریکا (سێنتکۆم) رایگەیاند کە لە باکووری سوریا یەک لە سەرچەتەکانی داعش عەبدولهادی مەحمود ئەلحاجی عەلی کوژراوە.

سێنتکۆم لەسەر هەژماری خۆی لە تۆڕە کۆمەڵایەتییەکان بڵاویکردەوە: کە رۆژی ١٧ی نیسان لە سەرلەبەیانیدا هێزەکانی سەر بە ناوەندی ئەمریکا بەڕێوەبەر و پلانداڕێژەری ئۆپراسیۆنەکانی داعش عەبدولهادی مەحمود ئەلحاجی عەلییان کوشتووە، کە لە بەرپرسیارێتی چەندین هێرشی تیرۆریستی لە رۆژهەڵاتی ناوەڕاست و ئەوروپای لە ئەستۆ بووە.

راگەیەندرا کە ئۆپراسیۆنەکە لەلایەن هێزەکانی ئەمریکا بە هەلیکۆپتەر ئەنجامدرا و ئەوەش خراوەتەڕوو کە ئەو هێرشە "دوای هەڵسەنگاندنی زانیاری هەواڵگری پەیوەست بە پیلانەکانی داعش بۆ رفاندنی کاربەدەستانی وڵاتانی بیانی" ئەنجام دراوە.

هـ . ب