سوپای تورکیا؛ هاوڵاتیان بەدیل ئەگرێت ومین ڕێژیان ئەکات.
سوپای تورکای داگیرکەر و و چەتەکانی بەردەوامن لە ئەنجامدانی تاوانی دژەمرۆیانە لە دژی هاوڵاتیانی عەفرین.
لە کردەوەیەکی دیکەدا چوار هاوڵاتیی گوندی موسکا-ی عەفرینیان بەیەکەوە بەستووەتەوە و ماڵەکەیان مین ڕێژکردووە.
سوپای تورکیای داگیرکەر ٣٦ڕۆژە هێرشی هەمەلایەنەی سوپای تورکیا بۆسەر هەرێمی عەفرین بەردەوامە، لە ئەنجامی ئەم هێرشانەدا بەسەدان هاوڵاتی کوژراو برینداربوون.
سەربازانی سوپای تورکیا ئەمجارە لە گوندی موسکا- عەفرین دوو پیاو و دوو ژنی بەتەمەنیان لە پەشتەوە بە یەکەوە بەستەوە و لە دەوریان مینیان چاند بۆ ئەوەی نەتوانن خۆیان ڕزگاربکەن.
ئەوە لە کاتێکدایە، کە دوێنێش هێزەکانی سەربە سوپای تورک هاوڵاتییەکی گوندنشینی دیکەیان لە تراکتۆرەکەی دابەزاند بە دەستڕێژی گولە شەهیدیان کرد و دەستیان بە سەر تراکتۆرەکەیدا گرت.
سوپای تورکیا ئەیەوێت کوشتنی هاوڵاتیان مەدەنی بخاتە ئەستۆی یەپەگە و یەپەژە.
