دژو سیستەمو ئەشکەنجەو ئیمرالی، نەورۆز ئویسال ئاسڵان پەرلەمانتارو دەم پارتی داواش جە کۆمیسیۆنو ئەوەکۊڵیاو مافو مرۆڤو پەرلەمانی کەرد دەس بە هەوڵدای بکەرا.
نەورۆز ئویسال ئاسڵان، پەرلەمانتارو دەم پارتی شرناخی سەبارەت بە ئاژەو ڕابەرو گەلوو کوردی عەبدوڵا ئۆجالانی، وەیسی ئاکتاش و عومەر خەیری کۆناری و حامیلی یڵدرمی کە ماوەو ٤٣مانگان هیچ زانیاریێوەشا سەرشا نییا، داواش جە کۆمیسیۆنو ئەوەکۆڵیای مافەکا مرۆڤو پەرلەمانی کەرڎ.
نەورۆز ئویساڵ ئاماژەش پانەی دا کە ماوەو ٤٣مانگان هیچ زانیاریێوە جە گێرتەخانەو دوورگەو ئیمرالی نمەزانیۆ و واتش: "پەی دمایین جاری زانیاری جەبەڕێز ئۆجالانی جە ٢٥و ئاداو ٢٠٢١ی هۆرگیریان، ئاڎیچ جە ڕاو تەلەفۆنیوە بیەن و دماو چن دەیەقێوە پەیوەندیەکەشا پڕچنان. هەرپاسە دمایین دیڎارو عەبدوڵا ئۆجالانی چنی پارێزنەرەکاش جە ٧و ئابو ٢٠١٩ی بیەن و چا کاتۆ هەشت ساڵێش ۋییەرنان. جە ٢٧و تەمووزو ٢٠١١ تا ٢ۍ ئایارو ٢٠١٩ ی، چەمپنەکۊتەیەکۍ قەڎەغەکریێنۍ. گرڎو داواکارییەکا جە لایەنو ڕاوەبەرایەتی زیڼانیوە بە بەهانۍ واوەی بیەیۆ سزادای دیسیپلینی ڕەڎ مکریۆوە. ئی ئاژە کە بە پاشێل کەردەی نامۍ بریۆ هەتا ئیساتۍ بەردەوامیش هەن."
جە دمادمایی داواکارییەکەینە ئامان: " جە گێرتەخانەو دوورگەو ئیمرالینە ماوەو ٢٥ ساڵان پاشێل کاری بەردەواما و مشۆم دمایش پنەبۍ. پەی بەدیئامای ئاشتی هەمیشەیی و سەروەری یاسای جە تورکیانە، پەنەوازا کۆمیسیۆنەکەتا دەسوەڵێوستەی و پێشنیار پەی چارەسەریێوە هەمیشەیی مجۆرە. هەرپاسە پەی دمایئاردەی بە یاسای و کردەوەکا دژ بە ستانداردە جەهانیەکا مافەکا مرۆڤی دەس بە هەوڵدای بکەردۍ."
