ئەمڕۆ ٣٢یەمین ڕۆژی هێرشی سوپای تورکیا بۆ سەر کانتۆنی عەفرینە، لە سەر لەبەیانیی ئەمڕۆ هێرشەکانی سوپای تورکیا دەستیپێکردووەتەوە و لە بەرامبەردا بەرگری و بەرخۆدانی شەڕڤانانی قەسەدە بەردەوامە.

هەروەها سەرلەبەیانیی ئەمڕۆ فڕۆکەشەڕکەرەکانی سوپای تورکیا سەرتاسەری سارۆچکەی بلبلێ و گوندەکانی دەوروبەریان بۆردوومان کرد.

لە بەرەبەیانیی ئەمڕۆوە کاتژمێر ٥: لە گوندەکانی ئیکدامە، عەرەبوارێن، دروێشان و شمشەک شەڕی دژوار لە نێووان شەڕڤانان و سوپای داگیرکەری تورکیادا لەئارادایە.

لە هەموو بەرەکانی شارۆچکەیراجۆ هەر ئێستا شەڕی سەخت لە نێوان شەڕڤانان و سوپای تورک و چەتەکانیدا بەردەوامە.

هەروەها سوپای تورک کاتژمێر ٥ی سەرلەبەیانی گوندیی هێچکێی بۆردوومان کرد، لە دەوروبەری ماباتا-ش شەڕی سەخت لە ئارادایە.