نوری مەحمود، وتەبێژی یەکینەکانی پاراستنی گەل یەپەگە، لەپای هەڕەشەکانی ئەردۆغان بۆ سەر عەفرین، لێدوانێکی بۆ ئاژانسەکەمان فوراتی داوە و ڕایگەیاندوە:  عەفرین بۆ گەلان جیهان لە هەمان پێگەی کۆبانێ دایە و بۆ پاراستنی تێدەکۆشین،دەبێت ئەردۆغان بزانێت، عەفرین بەتەنیا نییە. 

نوری مەحمود، ڕاشیگەیاندوە: عەفرین بچوک نییە و هێزەکانمان بۆ بەرگری لە هەموو شوێنێکی ئامادەن و خۆیان ڕێکخستووە. ئەگەر سوپای تورکیش پێیوایە دەتوانێت بە هەفتەیەک بێتە ناو عەفرینەوە ئەوە خەیاڵی خاوە، گەلانی تورکیا وەک دژایەتیەک بۆ تەرۆریزم پشتگیریی زۆری سەرێکانێ و کۆبانێیان کرد، دڵنیاین عەفرینیش هەمان پشتگیریان دەبێت. 

وتەبێژەکەی یەپەگە جەخت دەکاتەوە: باکوری سوریا و عەفرین هیوای گەلانی سوریا و ناوچەکەن، ئەوانەی ئەمڕۆ بەرگری لە عەفرین دەکەن، هەر ئەوانەن، کە لە کۆبانێ لە دژی تەرۆی نێودەڵەتی جەنگان و پاراستیان و دەرەنجام ئەو شارەیان ڕزگاریان کرد و تەرۆرەکەشیان تێکشکاند. دەشبێت بزانێت ئەو شەڕڤانانەی،کە بەرگری لە عەفرین دەکەن، بەشێکیان لە پاریس، مۆسکۆ، نیویۆرک، قاهیرە، ئەنقەرە و ئەستەنبوڵەوە هاتوون. 

نووری مەحموود، وتەبێژی یەکینەکانی پاراستنی گەل یەپەگە لە کۆتاییدا دەڵێت: قسە و هەڕەشەکانی ئەردۆغان دژی عەفرین، لە بڕوبیانوویەک زیاتر هیچی دیکە نین. کێشەی  ئەردۆغان هەبوونی سپای کورد نییە لە باکوری سوریا، چونکە ئەو سپایە هەر هەبووە، هێزەکانی سوریای دیموکرات و یەپەگە بەردەوام لەو سنورانە بوون و بەرگرییان لە گەلانی باکوری سوریا کردووە، هیچ شتێکی تازە ڕووی نەداوە، بۆیە ئەدۆغان بەدوای بەهانەیەکدا دەگەڕێت تا هێڕش بکاتە سەر عەفرین و دەرەنجام دەستکەوتەکانی ڕۆژئاوای و کوردستان و باکوری سوریا، ئەوەش خەیالێکی خاوە و ناێتەدی.

هـ.هـ