بە هەزاران دانیشتوانی حەسەکە بە هەموو پێکهاتەکانیەوە، رێپێوانێکیان ئەنجامدا و گۆشەگیری ئیمڕالیان شەرمەزار کرد و داوای ئازادی جەستەیی عەبدوڵلا ئۆجالان رێبەری گەلی کورد کرد.

رێپێوانەکە لە چواریانی شەهید ئارین لە گەڕەکی مشێرف دەستی پێکرد. دانیشتوان پۆستەری عەبدوڵلا ئۆجالان رێبەری گەلی کورد، ئاڵاکانی تەڤدەم و کۆنگرەی ستار و پەکەکەیان بەرزکردەوە و بێوەستان دروشمی 'بێ سەرۆک ژیان نابێت' و ' بژی سەرۆک ئاپۆ' یان وتەوە.

رێپێوانەکە لە گۆڕەپانی خەتۆ لە گەڕەکی نەسیرا بۆ میتینگ گۆڕا. بەناوی پەیەدە محێدی ئەلدخێم قسەی کرد و وتی، " ئێمە لێرە کۆبوینەوە بۆ ئەوەی داگیرکەری تورک شەرمەزار بکەین و بڵێین، ناتوانن رێبەرتی و گەل لەیەک جیابکەنەوە و تەسلیم نابین و بانگەوازی ئازادی جەستەیی رێبەرتی بەردەوامی پێدەدەین."

محێدی ئەلدەخیم بێدەنگی نێودەوڵەتی لەبەرانبەر فشارەکانی دەوڵەتی تورکی داگیرکەر بۆ سەر زیندانیان و هێرشەکان بۆ سەر باکوری و رۆژهەڵاتی سوریا شەرمەز کرد.

خالیدە بوتی ئەندامی کۆردیناسیۆنی کۆنگرا ستاری کانتۆنی حەسەکەش بانگەوازی لە گەلانی باکور و رۆژهەڵاتیس وریا کرد کە تێکۆشانیان بۆ ئازادی عەبدوڵلا ئۆجالان رێبەری گەلی کورد بەهیز بکەن و وتی، " ژنانی باکور و رۆژهەڵاتی سوریا ئازادی خۆیان بە ئازادی رێبەرتیەوە دەبینن."

میتینگەکە بە وتنەوەی دروشمی 'بێ سەرۆک ژیان نابێت' کۆتایی هات.

ف.ق