هێرشەکانی دەوڵەتی داگیرکەری تورک و چەتەکانی سوپای نەتەوەیی سوریا (NSA) لە بەنداوی تشرینی باکووری کۆبانێ بەردەوامە. شەڕڤانانی مەجلیسی سەربازی مەنبەج و یەکینەکانی پاراستنی ژن (یەپەژە) وەڵامی هێرشەکانیان دایەوە و لە ئەنجامدا لانی کەم ٣٧ چەتە کوژران. هەروەها چەندین چەتە برینداربوون و ٥ ئۆتۆمبیل تێک شکێندران.

ناوەندی ڕاگەیاندن و چاپەمەنی مەجلیسی سەربازی مەنبەج دیمەنی چالاکییەکانی لە تشرین و قەرەقۆزاق بڵاوکردەوە.

بەگوێرەی ناوەندەکە، لە ئەنجامی وەڵامدانەوەی شەڕڤانەکاندا، ٣٧ چەتە کوژراون و دەیان چەتە برینداربوون و ٥ ئۆتۆمبیلی سەربازیی چەتەکان تێک شکێندراون.