هێزەکانی ڕزگاری عەفرین لە ڕاگەیەندراوێکدا ئاماژەی بە چالاکییەکانی هێزەکانیان لە دژی سوپای تورکی داگیرکەر و چەتەکانی کردووە.

لە راگەیەندراوەکەدا هاتووە:

"هێرشی کۆمەڵکوژی سوپای تورکی داگیرکەر لەدژی هەرێمەکانمان بەردەوامە و گەلەکەمان بە تایبەتی دەکرێنە ئامانج، ئێمەش وەڵامی ئەو هێرشانەش دەدەینەوە.

 لە ٩ی تشرینی یەکەمدا هێزەکانمان لە شارۆچکەی داگیرکراوی باب چالاکییان ئەنجامدا و لە ئەنجامدا چەتەیک تورک و سەربازێک کوژران و ٣ چەتەی دەوڵەتی داگیرکەری تورک برینداربوون و ئۆتۆمبێلێکی سەربازیش تێکشکێندرا.

 لە ١١ی تشرینی یەکەمدا هێزەکانمان چالاکییەکیان لەدژی بنکەی دابق لە عەزاز ئەنجامدا، لە ئاکامدا ٣ سەربازی سوپای داگیرکەری تورکیا کوژران و ٤ سەربازیش برینداربوون، هەروەها ئۆتۆمبێلێکی سەربازی لە جۆری عەقرەب تێکشکێندرا. لەهەمان ڕۆژەدا چەتەکانی سوڵتان موراد هێرشیان کردە سەر گوندی مەدیۆنێی شەهبا، هێزەکانمان وەڵامیان دایەوە و هێرشەکەیان تێکشکاند. لە ئەنجامی وەڵامدانەوەکەدا ٣ چەتە بریندار بوون.

لە ١٢ی تشرینی یەکەمدا هێزەکانمان لە شارۆچکەی عەزاز لە دژی بارەگایەکی سوپای داگیرکەری تورک چالاکییان ئەنجامدا و لە ئەنجامدا سەربازێکی تورک کوژرا و سەربازێکی دیکەش بریندار بوو. لەهەمان ڕۆژەدا لە هێرشی نیشانشکێنەکاندا لەسەر هێڵی عەزاز چەتەیەک کوژرا. هەڕوەها له هەمان ڕۆژدا بارەگایەکی سوپای داگیرکەڕی تورک له عەناب له شارۆچکەی شەرا کرایه ئامانج و له ئەنجامدا ٢ سەڕبازی تورک بریندار بوون.

 بەگشتی لەئەنجامی چالاکی هێزەکانمان ٥ سەربازی سوپای تورکی داگیرکەر و ٢ چەتە کوژران و ٨ سەرباز و ٦ چەتە بریندار بوون و ٢ ئۆتۆمبێلی سەربازیش تێکشکێنراون.

 هەتا داگیرکاری هەبێت و هێرشی قڕکردن بەردەوام بێت، چالاکییەکانی ئێمەش بەردەوامی دەبێت”.