فەرماندەیەکی ئەنجومەنی سەربازی دێرەزۆر ڕونی وڵات (شێروان حەسەن) کاتێک کە لەسەر ئەرکەکەی بوو لە ٥ی کانوونی یکەم بە هۆی هێرشێکی تیرۆریستی شەهید کرا.

بەپێی ناوەندی ڕاگەیاندن و چاپەمەنی هێزەکانی سوریای دیموکرات (قەسەدە)، ئەنجومەنی سەربازی دێرەزۆر لە بالەخانەی فەرماندەیی ئاکادیمیەکانی سەربازی دێرەزۆر بۆ فەرماندە ڕونی وڵات مەراسیمێکیان سازکردووە. ئەندامانی فەرماندەیی گشتی قەسەدە، شەڕڤانان، فەرماندەکانی ئەنجومەنی سەربازی دێرەزۆر و پیاوماقوڵانی ناوچەی دێرەزۆر بەشدارییان لە مەراسیمەکەدا کرد.

هێزەکانی کۆمانۆسی سەر بە هێزەکانی قەسەدە و دژە تیرۆر و ئاسایشی ناوخۆ بەشدارییان لە مەراسیمەکەدا کرد. دواتر ئەندامی فەرماندەی گشتی هێزەکانی قەسەدە، لۆقمان خەلیل سەبارەت بە تێکۆشانی شەهید ڕۆنی وڵات قسەی کرد و وتی: "هەڤاڵ ڕۆنی بۆ بنیاتنانی سوپایەک بەپێی بنەماکانی نەتەوەی دیموکراتیک، بۆ پاراستنی دەستکەوتەکانی گەل، ژیانێکی شکۆمەندانە و ئازاد تێکۆشانی دەکرد".

هاوڕێیانی شەهید ڕونی تەرمەکەیان لەسەر شانیان هەڵگرت و بەرەو قامشلۆ بەڕێیان کرد.

 تەرمی فەرماندەی ئەنجومەنی سەربازی دێرەزۆر ڕۆنی وڵات سبەی لە قامیشلۆ بەخاک دەسپێردرێت.