مەجلیسی بنەماڵەی شەهیدانی شاری حەسەکەی کانتۆنی جەزیرە بە مەڕاسیمێکی شکۆدار فەرمانداری هێزەکانی جەبهەت ئەل ئەکراد شەهید شێرۆ عەلی (شێرۆ بەشار) و شەڕڤانی هێزەکانی سووریای دیموکراتیک (قەسەدە) شەهید ڕۆژبین حەسەکە (شاهین سەڵاح عەلی) لە گۆڕستانی شەهید دژوار و گوندی داودی لە حەسەکە بە خاک سپیردران. شێرۆ عەلی لە بەرخۆدانی بەنداوی تشرینی مەنبجدا لە ١٢ی کانوونی یەکەم و ڕۆژبین حەسەکە لە ١٦ی کانوونی یەکەمدا لە پردی قەرەقۆزاق شەهیدبوون.

لە مەڕاسیمەکەدا خەڵکی حەسەکە و گوندەکانی، نوێنەرانی دامەزراوەکان و ڕیش سپیانی عەشیرەتە کوردی و عەرەبەکان بەشداربوون.

لە مەراسیمەکەدا ئەندامی دەستەی هاوسەرۆکایەتی پارتی یەکێتی دیموکراتیک (پەیەدە) ئاڵدار خەلیل جەختی لە درێژە پێدانی ڕێگەی شەهیدانی کردەوە.

خەلیل گوتی: "هێزەکانمان قەسەدە، یەپەژە، یەپەگە مەجلیسی سەربازی منبج و جەبهەت ئەل ئەکراد لە بەرانبەر ‌هێرشەکان لە دژی هەرێمی باکوور و ڕۆژهەڵاتی سووریا بە بوێرییەوە وەڵامییاندایەوە".

خەلیل ئاماژەی بە ئازارەکانی گەلی سووریا کرد کە کە ماوەی ١٣ ساڵە بەردەوامە و لە درێژەی قسەکانییدا وتی: "کەوتنی ڕژێمی ئەسەد و پارتی بەعس هەنگاوێکی ئەرێنی بوو، بەڵام ئەوە تاکە چارەسەر نییە. دەبێت بۆ کێشەکان ببێتە دەستپێکی چارەسەری".

خەلیل ڕایگەیاند کە ئیدارەی خۆبەڕێوەبەری دیموکراتیک بە فیداکاری شەهیدان دامەزرا و بەمجۆرە بەردەوامبووو: "هەرکەسێک خەونی شکاندنی ئیرادەی خۆبەڕێوەبەری ببینێت، شکست دەهێنێت. ئەم ئیدارەیە لەسەر بنەمای برایەتی گەلان و قوربانیدانی ١٤ هەزار شەهید بەرهەم هاتووە".

لە کۆتاییدا ناسنامەی هەر دوو شەهید خوێندرایەوە و ڕادەستی بنەماڵەکانیان کرا و تەرمی شەهیدان بە وتنەوەی دروشمەکان بە خاک سپێردرا.