دانیشتووانی شاری شەدادی سەر بە کانتۆنی جەزیرە تەرمی شەڕڤانی قەسەدە ئەحمەد جیشی یاسین (ڕەیان عەریشە) کە ٢٦ ی شوبات لە شەدادی شەهیدبوو، لە گۆڕستانی شەهیدانی شەدادی بەخاکسپێردرا. لە مەراسیمەکەدا ناسنامەی شەڕڤانی قەسەدە عەلی حوسێن ئەل حەمادی (شەداد) کە ١٠ ی شوبات لە شەدادی شەهیدبوو، وە شەڕڤانی هێزەکانی ئەرکی خۆپاراستن عەبدولمەجید محەمەد ئەل حوسێن کە ٢٨ ی کانوونی دووەم لە دەیرەزۆر شەهیدبوو، ئاشکرا کرا.

دانیشتووانی شەدادی و دەوروبەری، ئەندامانی دامەزراوەکان و نوێنەرانی قەسەدە و ئەنجوومەنی بنەماڵەی شەهیدان بەشداری مەراسیمەکە بوون.

مەراسیمەکە بە خولەکێک ڕێزگرتن لە شەهیدان و نمایشی شەڕڤانانی قەسەدە دەستی پێ کرد.

ئەندامی ئەنجوومەنی بنەماڵەی شەهیدان وەعد ئەل حەمود، گوتی: "بە ناوی ئەنجوومەنی بنەماڵەی شەهیدان، سەرەخۆشی لە بنەماڵەی شەهیدان دەکەین و بەڵێن دەدەین تا سەرکەوتن لەسەر ڕێچکەی شەهیدان بەردەوام بین".

فەرماندە لە ئەنجوومەنی سەربازیی شەدادی عامر ئەل زۆبا تیشکی خستەسەر فیداکاریی شەهیدان بۆ پاراستنی گەل و وڵات، گوتی: "تا گەیشتن بە ئامانجەکان، درێژە بە دۆزی شەهیدان دەدەین".

پاشان ناسنامەی شەهیدان خوێنرایەوە و ڕادەستی بنەماڵەکانیان کرا.

تەرمی شەهید ئەحمەد جیشی یاسین بە هەلهەلە و درووشم بەخاکسپێردرا.