ناوەندی راگەیاندنی هێزەکانی سوریای دیموکراتیک لەبارەی راگەیەنراوی وەزارەتی بەرگری تورک کە وتبووی شەڕڤانان لە هەرێمە داگیرکراوەکان چالاکیان ئەنجامداوە و ١٣ شەڕڤان شەهید بوون، بەیاننامەیەکی بڵاوکردەوە و وتی، " بانگەشەکان راست نین. شەڕڤانانمان لەم ڕۆژانەی دواییدا هیچ چالاکیەکیان ئەنجام نەداوە و هیچ شەڕڤانێکیش شەهید نەبووە."

ناوەندە باسی ئەوەی کرد کە دەوڵەتی داگیرکەری تورک لەم ماوەیەی دواییدا هێرشەکانی زیاد کردووە، بە تایبەتی لەدژی ناوچەکە و لە کاتێکدا کە جەژنی پاسکالایە و هاوڵاتیانی کریستیان لە گوندەکانی تەل تەمر جەژن پیرۆز دەکەن.

قەسەدە هەروەها باسی ئەوەی کرد کە دەوڵەتی داگیرکەری تورک بەم جۆرە بانگەشە درۆییانە دەیەوێت پێشێلکاریەکانی لە بەرانبەر مافەکانی مرۆڤ بشارێتەوە.

ف.ق