قەسەدە ناسنامەی ٢ شەڕڤانی ئاشکرا کرد کە لە هێرشی داعشدا شەهیدبوون
قەسەدە ناسنامەی ٢ شەڕڤانی ئاشکرا کرد کە لە هێرشی داعش لە ڕەقە شەهیدبوون.
ناوەندی ڕاگەیاندنی هێزەکانی سوریای دیموکراتیک (قەسەدە) پەیوەست بە شەهیدبوونی ٢ شەڕڤان ڕاگەیاندراوێکی نووسراوی بڵاوکردەوە.
ڕاگەیاندراوەکە بەم جۆرەیە:
"هێزەکانمان پێش زیاتر لە ٥ ساڵ ڕێکخراوی تیرۆریستی داعشی لە شاری باغۆز لەناوبرد کە دوایین بنکەی ژێردەستی ئەو ڕێکخراوە بوو. شانە تیرۆریستییەکانی داعش بە ئامانجی زیندووکردنەوەی خۆیان چالاکییەکانیان زیاتر کردووە. ئاشکرایە چەندین دەوڵەت و لایەن هاوکاری زیندووبوونەوەی ڕێکخراوە تیرۆریستییەکە دەکەن. هاوکات هەوڵی بەکارهێنانی دەدەن.
تێکۆشانمان دژی ڕێکخراوە تیرۆریستییەکە لە هەموو ئاستێکدا بەردەوامە. هێزەکانمان شانەکانی ڕێکخراوەکە هەڵدەوەشێننەوە و ئەندام و بەرپرسەکانیان دەستگیردەکەن.
چوارشەممەی ڕابردوو، ئەو دەمەی شانەیەکی تیرۆریستی داعش هەوڵیدا لەنێو شاری ڕەقە جموجوڵ بکات، هێرشی کردە سەر خاڵێکی سەربازی هێزەکانمان، هێزەکانمان بەبو‌ێرییەوە وەڵامیان دانەوە و شەڕ ڕوویدا. لە شەڕەکەدا تیرۆریستێک بە برینداری دەستگیرکرا. هەروەها شەڕڤانەکانمان باسل ڕەقاوی (محەمەد ئەلتەعمە) و سوڵتان ڕەقە (عیماد محەمەد ئەلعەریف) شەهیدبوون.
سەرەخۆشی لە بنەماڵەی هەردوو شەهید و تەواوی بنەماڵەی شەهیدان دەکەین. بەڵێن دەدەین تۆڵەی خوێنی پاکیان لە ڕێکخراوە تیرۆریستییەکە بکەینەوە و لە هەرێمەکە وەدەریان بنێین، هەموو ئەو لایەنانە ڕیشەکێش دەکەین هەوڵی تێکدانی ئارامی هەرێمەکە دەدەن".
ناسنامەی شەهیدان:
ناسناو: ڕەقاوی
ناو و پاشناو: باسل ئەلتەعمە
ناوی دایک: وەردە ئەلئەحمەد
ناوی باوک: محمەد
شوێن و کاتی لەدایکبوون: شەمسەدین، ١٩٩٥
شوێن و کاتی شەهیدبوون: ڕەقە، ٢٧ ی ئاداری ٢٠٢٤.
ناسناو: سوڵتان ڕەقە
ناو و پاشناو: عیماد ئەلعەریف
ناوی دایک: وەزحە
ناوی باوک: محمەد
شوێن و کاتی لەدایکبوون: ڕەقە، ١٩٨٦
شوێن و کاتی شەهیدبوون: ڕەقە، ٢٧ ی ئاداری ٢٠٢٤.
