ناوەندی ڕاگەیاندنی هێزەکانی سووریای دیموکراتیک-قەسەدە بە ڕاگەیاندراوێک شەهید بوونی شەڕڤانی خۆی، هەبوون کۆبانێی ڕاگەیاند  کە لە ٢٥ی کانوونی یەکەمدا لە ئەنجامی هێرشەکانی دەوڵەتی تورک و چەتاکانی بۆسەر بەنداوی تشرین شەهید بوو.

لە ڕاگەیاندراوەکەدا ئاماژە بە کاتی بەشداربوونی شەهید هەبوون کراوە بۆ ڕیزەکانی قەسەدە و دەڵێت: "شەهید هەبوون لە ساڵێ ٢٠١٧ەوە لە نێو ئەرکی خۆپارستندا جێگەی خۆی گرت. لە ساڵی ٢٠٢٠دا بەشداری ڕیزەکانی یەکینەکانی دژە تیرۆر بوو. لە چەندین چالاکی گرنگ و کاریگەردا لە دژی چەتەکانی داعش بەشداری کردووە."

لە ڕاگەیاندراوەکەدا قەسەدە سەرساغی لە بنەماڵەی شەهید کردووە و بەڵێنی بەردەوامیدان لە پاراستنی ئارامی و سەقامگیری هەرێمەکە کراوەتەوە.

لە کۆتایی ڕاگەیاندراوەکەدا ناسنامەی شەهید بەم شێوەیە خراوەتەڕوو:

ناسناو: هەبوون کۆبانێ

ناو و پاشناو: عوسمان عومەر قەواس

ناوی دایک و باوک: ڕەحیمە- عومەر

شوێن و کاتی لە دایکبوون: کۆبانێ- ١٩٩٧

شوێن و کاتی شەهید بوون: بەنداوی تشرین- ٢٥ی کانوونی یەکەمی ٢٠٢٤.