ناوەندی ڕاگەیاندنی هێزەکانی سوریای دیموکراتیک (قەسەدە) بە ڕاگەیاندراوێک دووپاتی کردەوە، شەڕڤانێکیان بە ناوی ئوسامە ئەحمەد ئەلسالم لە ٢٩ ی ئەیلولی ئەمساڵ لە ئۆپەراسیۆنی "پتەوکردنی ئاسایش" لە دەیرەزۆر شەهید بووە.

لە ڕاگەیاندراوەکەدا هاتووە، شەهید ئوسامە، نموونەی گرێدراوی بە خاک و گەلەوە بوو، تا دوا سات شەهیدبوونی بە هەموو هێزییەوە گەل و خاکی پاراست.

قەسەدە سەرەخۆشی لە بنەماڵەی شەهید ئوسامە و تەواوی شەهیدانی ئازادی کرد و بەڵێنی دا بە درێژەدان بە ڕێگەی شەهیدان تا بەدیهێنانی خەون و ئامانجەکانی شەهیدان.

بەگوێرەی ڕاگەیاندراوەکە ناسنامەی شەهیدەکە بەم جۆرەیە:

ناسناو: ئوسامە

ناو و پاشناو: ئوسامە ئەلسالم

ناوی دایک: کەلسوم ئەلحوسێن

ناوی باوک: ئەحمەد

شوێن و کاتی لەدایکبوون: مەسکەنە/٢٠٠٤

شوێن و کاتی شەهیدبوون: دەیرەزۆر – ٢٩ ئەیلولی ٢٠٢٣