دەسپێشخەریی ئازادی بۆ عەبدوڵا ئۆجالان لە سوریا لە چوارچێوەی هەڵمەتی نێونەتەوەیی کە ١٠ ی تشرینی دووەمی ٢٠٢٣ بە درووشمی "ئازادی بۆ عەبدوڵا ئۆجالان، چارەسەری سیاسی بۆ پرسی کورد" دەستی پێ کرد، سەردانی پارتەکانی هەرێمی باکور و ڕۆژهەڵاتی سوریا دەکەن.

ئەمڕۆ وتەبێژی دەسپێشخەرییەکە فەرزەند موزنور و ئەندامانی دەسپێشخەرییەکە گوڵستان هیبۆ و عەبدوڵا جەمیل لە قامیشلۆ سەردانی گشتی پارتی چەپی دیموکراتیکی کوردی سوریایان کرد، لەلایەن سکرتێری پارتەکە ساڵەح گەدۆ و عومران سەعیدەوە پێشوازیان لێ کرا.

فەرزەند مونزور تیشکی خستەسەر پێشێلکارییەکانی ئیمراڵی و خەباتەکان لە چوارچێوەی هەڵمەتی نێونەتەویی و گوتی: "دۆزی ڕێبەر عەبدوڵا ئۆجالان، دۆزێکی ئازادی و کوردستانییە، ڕەهەندی جیهانی و سیاسی هەیە".

ساڵەح گەدۆ کە چەند جارێک چاوی بە ڕێبەری گەلی کورد عەبدوڵا ئۆجالان کەوتووە ڕایگەیاند دۆزی ڕێبەری گەلی کورد عەبدوڵا ئۆجالان دۆزی پارت و لایەنێک نییە، گوتی: "ئەمە دۆزێکی مرۆڤایەتییە، پێویستە ئازادی جەستەیی ڕێبەر ئاپۆ ببێتە ڕۆژەڤی سەرەکی پارتە سیاسییەکان و گەلی کورد. وەک پارتەکەمان ئامادەین بۆ ئەم بابەتە تێکۆشان بەهێزتر بکەین. وەک کەس پەیوەندی تایبەتم لەگەڵ ڕێبەر ئاپۆ هەبوو. لە ساڵانی ١٩٨١ و ١٩٩٨ چاوم پێ کەوت. بەم دواییانە لە تەمموزی ١٩٩٨ پێش ئەوەی لە سوریاوە بچێتە ڕۆما ڕێبەر ئاپۆم بینی. بۆ ئازادی جەستەیی ڕێبەر ئابۆ هەموو پەیوەندییەکانمان دەخەینە کار و دەنگمان دەگەیەنینە جیهان. ئەمە پرسێکی نێونەتەوەییە، پێویستە ببێتە پرسی سەرەکییمان".

سەردانەکانی دەسپێشخەرییەکە سبەینێش بەردەوام دەبێت.