ئەندامی هێزەکانی ئاسایشی ناوخۆ فادی عەلی کە ٢٩ ی ئادار لە بەنداوی تشرین شەهید بوو، ئەمڕۆ بە مەراسیمێک لە گۆڕستانی شەهیدانی تەبقە بەخاکسپێردرا. بە سەدان دانیشتووی تەبقە و ئەندام و بەڕێوەبەرانی ئیدارەی خۆبەڕێوەبەر و پارتە سیاسییەکان و ئەنجوومەن و کۆچبەرنی عەفرین_شەهبا بەشداری مەراسیمەکە بوون.

بە ناوی هێزەکانی ئاسایشی ناوخۆ، فەرماندەی هێزەکانی ئۆپەراسیۆنەکان، بەشیری ئەل عەلی و بە ناوی ئەنجوومەنی ئایینی بۆزان حەمۆ، قسەیان کرد.

لە قسەکاندا دووپاتکرایەوە، ئاسایش و ئارامی لە هەرێمەکانی باکوور و ڕۆژهەڵاتی سوریا بەرهەمی ڕەنجی شەهیدانە. بەڵێن درا بە درێژەدان بە ڕێگەی شەهیدان تا لەناوبردنی داگیرکاری لە تەواوی سوریا.

پاشان ناسنامەی شەهید خوێنرایەوە و ڕادەستی بنەماڵەکەی کرا. هەڤاڵانی شەهید تەرمەکەیان هەڵگرت و بە بەرزکردنەوەی درووشم تەرمی شەهید بەخاک سپێردرا.