تەرمی شەهید محمەد زیاد ئەل غەنام کە لە ٢٥ ی کانوونی یەکەم لە وەڵامدانەوەی هێرشی داگیرکاری و چەتەکان لە شارۆچکەی دێرحافری ڕۆژهەڵاتی حەلەب شەهیدبوو، لە گۆرستانی شەهید خدر ئەل حەمادی شارۆچکەی ئەبو خەشەبی ڕۆژئاوای دێرەزوور بە خاک سپێردرا. خەڵکی کانتۆنی دێرەزوور، نوێنەران لە ئەنجوومەنی بەڕێوەبەری کانتۆنی دێرەزوور و کۆمەڵەی ژنانی زەنوبیا بەشداری مەڕاسیمەکە بوون.

لە مەڕاسیمەکەدا ئەندامی ئەنجوومەنی بنەماڵەی شەهیدانی کانتۆنی دێرەزوور ڕەوا ئەل محەمەد قسەی کرد و گوتی: "شەهید محەمەد زیاد ئەل غەنام لە نێو خەڵکدا ناسراو و خۆشەویست بوو".

جێگری هاوسەرۆکایەتی ئەنجوومەنی بەڕێوەبەری زیاد ئەل چیلات سەرەخۆشی لە بنەماڵەی شەهید کرد و بەڵێنی درێژە پێدانی ڕێگەی شەهیدانییدا.

ئەندامی ئەنجوومەنی کۆمەڵەی ژنانی زەنوبیای کانتۆنی دێرەزوور سیهام ئەل سڵێمان قسەی کرد و گوتی: "ئەمڕۆ بە شانازییەوە شەهیدەکەمان بە خاک دەسپێرین و یادی ئەو شەهیدانە دەکەینەوە کە  بۆ ئاشتی و ئارامی گیانی خۆیان بەخشی."

لە کۆتایی مەڕاسیمەکەدا ناسنامەی شەهید خوێندرایەوە و ڕادەستی بنەماڵەکەی کرا.