مەراسیمی بەخاکسپاردنەکە بە خولەکێک رێزگرتن دەستیپێکرد. ئەندامی ئەنجوومەنی بنەماڵەى شەهیدان محێدین حەسەن سەرەخۆشیی لە بنەماڵەى شەهید کرد و رایگەیاند، هێزەکانی ئاسایشی ناوخۆ بەرپرسیاریی پاراستنی خاک و گەلیان لە ئەستۆ گرتووە.

شیار محەمەد ئەندامی بەڕێوەبەریی هێزەکانی ئاسایشی ناوخۆ لە شاری قامیشلۆ لە مەراسیمەکەدا رایگەیاند، "ئێمە رێگا نادەین، کە پیلانگێڕێ و پلانەکانی دژ بە رۆژئاوا و گەلانی سەربگرێت، چونکە ئەم دەستکەوتە لە سایەى ١١ هەزار شەهید دا بە دەستههاتووە".

شیار محەمەد لە کۆتایی قسەکانیدا رایگەیاند، بەردەوام دەبن لەسەر رێگای شەهیدان و بیر و رامانی عەبدوڵا ئۆجالان رێبەری گەلی کورد.

دوای وتەکان، وەسیقەى شەهید خوێندرایەوە و رادەستی بنەماڵەکەى کرا.

تەرمی شەهید بە دەم وتنەوەى دروشم لە گۆڕستانی شەهیدانی دەلیل سارۆخان بە خاک سپێردرا.

ژ.ت