ئیدارەی خۆبەڕێوەبەری دیموکراتیکی کانتۆنی فرات لە کۆبانێ دەربارەی هێرشەکانی سەر سوەیدا ڕاگەیاندراوێکی خوێندەوە.

ڕاگەیاندراوەکە لە بەردەم ئەنجوومەنی ئیدارەی خۆبەڕێوەبەریی دیموکراتیک بە زمانی کوردی لەلایەن ئەندامی ئەنجوومەنی ئیدارەی خۆبەڕێوەبەری نەجاح محێدین و بە زمانی عەرەبی لەلایەن ڕاوێشکاری یاسایی ئەنجوومەنی ئیدارەی خۆیبەڕێوەبەری مستەفا شێخ موسلیمەوە خوێندرایەوە.

لە ڕاگەیاندراوەکەدا باس لەوە کراوە، ئەم هێرشانە بۆ سەر خەڵکی سوەیدا، زیانی بۆ تەواوی سوریا دەبێت و ئاماژە بەوە کراوە، ئەوان بە توندی ئیدانەی ئەم پێشێلکارییانە بۆ سەر گەلانی سوریا دەکەن.

لە ڕاگەیاندراوەکەدا داوا لە دەسەڵاتی کاتی کرا کە بە ئەرکی خۆی هەستێت و کۆتای بە قڕکارییەکانی سەر دروزییەکان بهێنێت.