دەوڵەتی تورک گوندەکانی شێراوا و تەل ڕەفعەت تۆپباران دەکات
دەوڵەتی داگیرکەری تورک گوندەکانی ناوچەی شێراوای عەفرین تۆپباران دەکات.
دەوڵەتی داگیرکەری تورک گوندەکانی ناوچەی شێراوای عەفرین تۆپباران دەکات.
بە پێی زانیاریەکان، دەوڵەتی داگیرکەری تورک بە پێی کاتی هەرێمەکە لە کاتژمێر ١٢:٢٠ دا گوندەکانی زیارەت، ئاقیب و بێنێ تۆپباران کرد و بەهۆی ئەوەی شوێنی نیشتەجێبوونی هاوڵاتیانی مەدەنی تۆپباران کرا، زەویە کشتوکاڵیەکان سووتان.
دەوڵەتی داگیرکەری تورک هەرێمی فیدراسیۆنی باکوور و ڕۆژهەڵاتی سوریا بە شێوەیەکی ئەنقەست و سیستماتیک تۆپباران دەکات.
زەویە کشتوکاڵیەکانی خەڵکی مەدەنی بە ئەنقەست دەکرێتە ئامانج و دەسووتێنرێت و بەو شێوەیەش تاوانی شەڕ ئەنجامدەدرێت.
١٦ی حوزەیران گوندی ئاریدا و خربەتبەگەری گرێ سپی بۆردومانکرا.
١٥ی حوزەیران بە هاوەن و مووشەک هێرشیان کردە سەر ناوچەی تەل ڕەفعەتی کانتۆنی شەهبا.
١٤ی حوزەیران ئەمجارە گوندەکانی ئۆم ئەلخێر و تەل لەبەنی باشووری ڕۆژئاوای تەل تەمریان تۆپباران کرد.
١٣ی حوزەیران گوندی دبسی ڕۆژئاوای عەین عیسای تۆپباران کرد.
١٠ی حوزەیران زەویە کشتوکاڵیەکانی گوندی قاسمیە، ڕێحانییە و ڕەشیدییە لە باکووری ڕۆژئاوای تەل تەمر تۆپبارانکران.
لە سەرەتای مانگی ئایارەوە و تا ٣ی حوزەیران، ١٠٠ هەزار دۆنم زەوی گەنم و جۆ و ٣٦٠ دۆنم باخی زەیتوون لە لایەن دەوڵەتی داگیرکەری تورکەوە سووتێنراوە.
ف.ق