سەرلەبەیانی ئەمڕۆ بەڕێوەبەرایەتی ئەنجومەنی خۆسەری دیموکراتیکی شەنگال لەبارەی دۆخی ناوچەکە و هێرشەکانی دەولەتی داگیرکەری تورک بانگەوازێکی بڵاوکردەوە.

دوای کۆبوونەوەی دوور لە چاوی کامێراکان، فارس حەربۆ لەسەر ناوی ئەنجومەنەکە کۆنفڕانسێکی ڕۆژنامەنووسی ئەنجامدا.

لە کۆنفڕانسەکەدا هێرشەکانی دەوڵەتی داگیرکەری تورک شەرمەزارکران و باسی ئەوە کرا کە ئەمڕۆ کاتژمێر ١٧:٠٠ بە پێشەنگایەتی بەڕێوەبەرایەتی ئەنجومەنی خۆسەری دیموکراتیکی شەنگال ڕێپێوانێک ئەنجام دەدرێت.

هەروەها بانگەوازی بۆ بەشداریکردن لە ڕێپێوانەکە کرا.

حەربۆ باسی ئەوەی کرد، ماڵ و موڵکی پیرۆزی ئێزدیان بووەتە ئامانج و ڕاشیگەیاند، ئەوەی داعش نەیتوانی بیکات، دەوڵەتی داگیرکەری تورک دەیەوێت ئەنجامی بدات.

فارس حەربۆ داوای لە گەل کرد بە شێوەیەکی جەماوەری بەشداری بکەن و ناڕەزایی خۆیان بە هەموو جیهان بگەیەنن.

ف.ق