کەمێک لەمەوبە، وەزارەتی تەندروستی حکومەتی باشوری کوردستان، تووشبوونی چوار کەسی دیکەی بە ڤایرۆسی کۆرۆنا لە شارچکەی چەمچەماڵی سەربە پارێزگای سلێمانی ڕاگەیاند.

لە ڕاگەیەنداوەکەدا هاتووە:"لە بەردەوامیی پشکنینەکان و گەڕان بەدوای گومانلێکراوان، چوار تووشبووی ڤایرۆسی کۆرۆنای نوێ COVID-19 دەستنیشانکران، کە سێ پیاو و ئافرەتێکن لە شارۆچکەی چەمچەماڵ و بەرکەوتووی تووشبووانی پێشوون".

بەپێی ئاماری وەزارەتی تەندروستی، کۆی گشتی تووشبووان بە ڤایرۆسی کۆڕۆنای نوێ COVID-19 لە هەرێمی کوردستان گەشتە ٣١١ تووشبوو، لە نێویاندا سێ مردن هەیە و ١٢٥ نەخۆش چاکبوونەتەوە، دوای بەیاننامەکە، ئەمشەو تەندروستی هەولێر چاکبوونەوەی نەخۆشێکی دیکەی ڕاگەیاند، بەمەش ژمارەی ئەو کەسانەی چاکبوونەتەوە گەیشتە ١٢٦ کەس و تووشبووانیش گەیشتە ٣١٥ نەخۆش.

ز.ش