بۆ شەرمەزارکردنی گۆشەگیری رەهای سەر عەبدوڵلا ئۆجالان رێبەری گەلی کورد بە هەزاران کەس لە دانیشتوانی هەرێمی فورات بە پێشەنگایەتی دەزگا مەدەنی و سەربازیەکان رژانە نێو گۆڕەپانەکان. لە رێپێوانەکەدا کە لە گۆڕەپانی ژنی ئازاد دەستی پێکرد تاوەکو کۆتایی کۆڵانی ٤٨ بەردەوام بوو، بێ وەستان دروشمی ' بێ سەرۆک ژیان نابێت' بەرز کرایەوە و وێنەی عەبدوڵلا ئۆجالان رێبەری گەلی کورد بەرز کرایەوە.

دوای رێپێوانەکە کە خولەکێک رێز لە شەهیدانی شۆڕش گیرا، خوێناڤ خەلیل بەڕێوەبەری گەنجان و وەرزشی هەرێمی فورات لەبارەی گۆشەگیری قورسی سەر عەبدوڵلا ئۆجالان رێبەری گەلی کورد قسەی کرد. خەلیل رایگەیاند کە سی پی تی ئەرکی خۆی جێبەجێ ناکات و وتی، " سی پی تی کە هەر جارە و بە شێوەیەک قسە دەکات رایگەیاند کە لەبارەی دۆخی رێبەر ئۆجالان دوای ٦ مانگ راگەیەندراویان دەبێت. بەڵام هیچ روونکردنەوەیەکی نەداوە."

خوێناڤ خەلیل ئاماژەی بەوەکرد کە تاوەکو ئازادی جەستەیی عەبدوڵلا ئۆجالان رێبەری گەلی کورد جێبەجێ نەبێت و گۆشەگیری کۆتایی نەیەت، گەنجان لە گۆڕەپانەکان دەبن و وتی، " ئامانجی گۆشەگیری لەناوبردنی پرۆژەی نەتەوەی دیموکراتیە. ئێمە لەدژی هەر جۆرە هێرشێک بەرخۆدان دەکەین و دەستکەوتەکان دەپارێزین."

ف.ق