پەرلەمانتاری پارتی چەپی دی لینکە، فەرهاد کۆچاک باسی لەوەکرد وەک پارتەکەیان خواستیانە قەدەغەی سەر پەکەکە لاببرێت کە کوردان تاوانبار دەکات و خواستیانە جارێکی دیکە ئەو بابەتە بخەنە بەرنامەی کاری پەرلەمانەوە.

فەرهاد کۆچاک سەرنجی خستەسەر پرۆسەی چارەسەری و جەختی لەوەکردەوە پرۆسەی ئاشتی زۆر گرنگە و پێویستە ئەڵمانیا هەنگاوگەلی ئەرێنی بەگوێرەی بەرژەوەندی پرۆسەکە بنێت.

کۆچاک ئاماژەی بەوەشدا دوای کۆنگرەی ١٢ـەمینی پەکەکە دەبوایە لە ئەڵمانیا قەدەغەی سەر پەکەکە هەڵبگیرابایە و باسی لەوەکرد ئەم بابەتە دەخەنە ڕۆژەڤی پەرلەمانەوە و لە بەردەوامییدا گوتی: "وەک پارتێکی چەپ لەگەڵ ئەوەداین لە ئەڵمانیا قەدەغەی سەر پەکەکە هەڵبگیرێت. پەیوەست بەمەشەوە ڕەشنووسێک پێشکەشی پەرلەمان دەکەین."

فەرهاد کۆچاک باسی لە هەڵوێستی حکومەتی ئەڵمانیا کرد دەربارەی پرۆسەکە و گوتی: "خودی حکومەتی ئەڵمانیا ڕایگەیاند پشتگیری لە پرۆسەی ئاشتی دەکات. گەر پشتگیری لە پرۆسەی ئاشتی بکات، هەنگاوی یەکەم پێویستە لابردنی قەدەغەی سەر پەکەکە بێت، لە ئەڵمانیادا دەرفەتەکانی پرۆسەی ئاشتی بڕەخسێنێت."