سوپای تورک بە چەکی کیمیایی و تەقەمەنی هێرش دەکاتە سەر گەریلا، لە کاتێکدا گەریلا ئاگربەستی ڕاگەیاندووە. کوردانی سویسرا دژی هێرشەکانی سوپای تورک بانگەوازی بەپەلەیان کرد و ئەمڕۆ دەڕژێنە گۆڕەپانەکان.
کۆنسەی دیموکراتیکی کوردی سویسرا (جەدەکە_سە) و یەکێتیی ژنانی کوردی سویسرا (یەژەکە_سە)، بانگەوازیان لە گەلی کورد و هێزە دیموکراسییەکان کرد، دژی هێرشەکانی دەوڵەتی تورک کە یاسا نێونەتەوەییەکان و یاساکانی جەنگ پێشێل دەکەن، بڕژێنە گۆڕەپانەکان، جەختکراوەتەوە کە بۆ ئەم مەبەستە لە چەندین شاری سویسرا چالاکیی هاوکات ئەنجام دەدرێت.
لە ڕاگەیاندراوەکەدا گوتراوە: "ئەم هێرشە تەنها ئۆپەراسیۆنی سەربازیی نییە، بەڵکو هاوکات پەیامێکی سیاسیی هەڵدەگرێت. بەم هەنگاوە دەوڵەتی تورک ڕایدەگەیەنێت کە لایەنگری شەڕە نەوەک ئاشتی".
تێیدا ناڕەزایەتی دەردەبڕن بەرامبەر بێدەنگیی هێزە نێونەتەوەییەکان، دەڵێت: "لەبەرئەوەی تاوانەکانی جەنگی وەک بەکارهێنانی چەکی کیمایی سزا وەرناگرن، تاوانەکانی جەنگ بەردەوامن".
هەروەها بانگەواز لە گەل دەکەن، بەشداربن لەو چالاکییانەی کە ئەم ئێوارەیە لە چەند شارێکی سویسرا ئەنجام دەدرێن، دەڵێت: "ئەم هێرشانە تەنها بۆ سەر گەلی کورد نییە، بەڵکو هەڕەشەیە بۆ سەر هیوای ئاشتیی هەرێمەکە و ئیرادەی پێکەوەژیانی گەلان".
لە ڕاگەیاندراوەکەدا ئاماژە بەوە کراوە، گەلی کورد و تەڤگەری ئازادیی وەڵامی "بانگەوازی ئاشتی و کۆمەڵگەی دیموکراتیک"ـی ڕێبەر ئاپۆیان داوەتەوە، هەڵوێستییان بۆ چارەسەر نیشانداوە بەڵام ئاکەپە و حکومەتەکەی بێ وەستان هێرش دەکەنە سەر هەرێمەکانی پاراستنی مەدیا، دەڵێت: "ڕاگەیاندراوی ئەمڕۆی هەپەگە_نەڕەچە ئاشکرای کرد کە سوپای تورک بە چەکی قورس و ئامرازی سەربازیی، لە ئاسمان و زەمینەوە بەردەوامە لە هێرشەکان. بانگەواز لە گەلی کورد و دۆستەکانیان و بەتایبەت ژنان دەکەین، دژی ئەم هێرشانە، لەپێناو ئاشتی و دیموکراسیی تێبکۆشن و بەشداریی چالاکییەکان بکەن".
شوێن و کاتی چالاکییەکان:
ژنێڤ
کاتژمێر: ١٦:٤٥
شوێن: بەردەم پۆستەخانەی گەورە (Rue du Mont Blanc)
*
وینتەرتور
کاتژمێر: ١٨:٠٠
شوێن: Bahnhofplatz
*
بێرن
کاتژمێر: ١٩:٠٠
شوێن: Bahnhofplatz
*
لۆزان
کاتژمێر: ١٨:٣٠
شوێن: بەردەم وێستگەی شەمەندەفەر
*
زیوریخ
کاتژمێر: ١٩:٠٠
شوێن: Hauptbahnhof
*
سۆلۆزەرن
کاتژمێر: ١٦:٠٠
شوێن: Bahnhofplatz
*
بازل
کاتژمێر: ١٩:٠٠
شوێن: SBB Bahnhof
