فەرماندەی گشتیی قەسەدە مەزڵوم عەبدی و ئەندامی فەرماندەیی گشتیی یەپەژە ڕۆهیلات عەفرین لە بەنداوی تشرین لەگەڵ چالاکوانان کۆبوونەوە.

فەرماندەیی قەسەدە و یەپەژە لەگەڵ شاندێکی هێزەکانی هاوپەیمانیی نێونەتەوەیی دوێنێ ئێوارە چوونە بەنداوی تشرین.

مەزڵوم عەبدی و ڕۆهیلات عەفرین سڵاویان کرد لە بەرخۆدانی قارەمانانەی گەلی باکوور و ڕۆژهەڵاتی سوریا بۆ پاراستنی دەسکەوتەکانی شۆڕش.

جەختکرایەوە، دەبێت هەمووان شان بە شانی یەکتر کاربکەن بۆ بنیاتنانی وڵاتێکی ئارام و سەلامەت کە تێیدا هەموو هاوڵاتیان بەشێوەیەکی دادپەروەر و یەکسان بژین.