گەلی کانتۆنی فورات لە گۆڕەپانی شەهید عەگیدی شاری کۆبانێ بە بۆنەی ١ی ئایار ڕۆژی جیهانی کرێکاران، کۆبوونەوە و بە ئاهەنگێکی جەماوەریی ١ی ئایاریان پیرۆز کرد.

مەراسیمەکە بە خولەکێک ڕێز گرتن بۆ یادی شەهیدانی شۆڕش دەستی پێکرد. پاشان هەڵسەنگاندنەکانی ڕێبەر ئاپۆ سەبارەت بە ١ی ئایار و کرێکاران خوێندرایەوە.

دواتر هاوسەرۆکی بزووتنەوەی کۆمەڵگای دیموکراتیک (تەڤ-دەم)ی کانتۆنی فورات، هەدلێ حەسن، قسەی کرد و ڕایگەیاند: "ئەم ڕۆژە لە هەموو ئەو کرێکارانەی کە شەو و ڕۆژ بۆ کۆمەڵگاکەیان کار دەکەن و لە هەوڵ و تێکۆشاندان پیرۆز دەکەین.

دوای وتارەکە هونەرمەندانی ناوەندی کەلتووری و هونەری باقی خدۆ و هیلالی زێڕینی کانتۆنی فورات ئاوازیان پێشکەش کرد، دواتر مەراسیمی پیرۆزباییەکە بە پێشکەش کردنی خەڵات کۆتایی هات.